荷李活導演米高比爾(Michael Bay)執導之作《變形金剛4》（Transformers4）噚日移師西九海濱長廊拍攝，今日男主角麥克華堡（Mark Wahlberg）、新變形女Nicola Peltz、Jack Reynor及李冰冰等就轉陣，去到一個唔會有人敢收保護費、唔會有人高空掟花盆嘅地方——政府總部添馬公園拍攝，令特首辦外火花四起。噚晚先至有10萬市民包圍政總，今日就有變形金剛炸政總，真係好應景。

拍攝大隊於今早11點左右到達。大黃蜂、Drift、 Crosshairs等繼續出動，警員方向，赫然見到有呂良偉同王敏德。呂良偉事後接受訪問謂:「今次做警察角色，不過仲未拍到我戲份。我個仔好想我拍呢部戲，因為佢好鍾意變形金剛，我本來想喺拍嗰陣，影幾張相送俾個仔做生日禮物，不過今日拍唔到，我聽日又飛喇，28號先返，唔知導演會唔會安排補拍，如果拍唔到，我都覺得好遺憾。」

靚到冇朋友

dream car

Hound

呂良偉同王敏德飾演警隊高層。

直頭似到上身咁!

唔講真係以為佢係警方發言人!!!!

李冰冰

拍攝大隊於中環政府總部嘅添馬公園取景，盡量不影響仍然留守於政總公民廣場嘅HKTV員工及市民。由早上十一點左右開工，拍至下午近四點收工，非常順利，男女主角同李冰冰等今日亦有參與拍攝。

今日上午先拍幾主角孭劍跑來跑去嘅場面，亦有直升機高炒拍環境shot。新變形女Nicola Peltz身材驕人，拍奔跑場面時亦份外跌盪，吸引大批記者採訪，其間拍攝大隊嘅保安員阻止傳媒拍攝，引來傳媒不滿，導演米高比爾聞言即著保安退後，方便傳媒拍攝，眾人向導演說:「Thank you.」米高比爾就笑笑口話:「你哋影啦!」表現親民。

新變形女唔使埋位時，就拖住個小妹妹周圍行；麥克華堡就一個人靜思，不過思考咗冇耐，助手又送上佢嘅至愛——欖球，又搓喇。

眾主角孭劍逃亡

抱住新變形女逃離大黃蜂。

大黃蜂與 Crosshairs今日都有出動

導演米高比爾

又跑過

你集咗郵未？

炸政總…依家睇到只係放煙花，之後加番電腦後期製作，就會好勁0架喇。

直昇機拍top shot

呢架係搖控直昇機…

地盤工人都想睇

大批「遊人」

呢個時候仲唔影，等幾時？

新變形女不用埋位時就拖住小妹妹周圍走。