天氣不似預期，但要走，總要飛……《衝上雲霄2》已經有晒預告同劇照睇喇。平心而論——主題曲，唔吸引；而且劇照，都唔吸引，最多都係得得法拉同張智霖有著衫嘅床戲。反而網上流傳嘅三分幾鐘預告片就更吸引。
交代少少主角情慾愛恨。Sam哥(吳鎮宇)愛妻蘇怡(胡杏兒)病逝，Sam哥一度自棄，後來終於復出、專投Skylette做機長，同張智霖成為同事，後來陳法拉亦走進佢生命中，但法拉又同張智霖有一段刻骨銘心的愛。張智霖個妹叫做夏晨(都係胡杏兒飾)，同吳卓羲(即係Sam哥細佬)有感情線，而馬國明飾演嘅高志宏(Roy)都係繼承上集角色(胡定欣演嘅凌卓芝、即係馬德鐘細妹都係)。上輯嘅馬國明有點儍更更、全家人都係從事交通行業，全家人對佢寄予厚望。今輯《衝上2》佢已經升呢、同吳卓羲一齊做咗高級副機場。吳卓羲崇拜張智霖想跟佢學嘢，高志宏就覺得一手教佢哋出嚟嘅吳鎮宇嗰套穩健風格先啱自己。職位有變，就連性格都變埋，上一輯馬明儍更更但有小聰明，今輯，佢變咗情聖……最後情傾空姐江美儀。同胡定欣冇感情線。
大致交代完故事大綱，不如講吓今輯同《衝上1》有咩關連地方。Sam哥唐亦琛、唐亦風、高志宏、凌卓芝(馬德鐘妹妹)、程日東(鄧梓峰、機長)都係沿自上一輯。
至於撮合咗阿Bell(陳慧珊)雙親一段緣份嘅緣份天使triangel，今集亦密集式地出現。上一輯係交代Sam哥將triangel送咗俾Zoe(胡杏兒)，今輯，Zoe已死，triangel竟然去咗陳法拉度，張智霖都掂過……最後仲連埋張智霖送俾法拉嘅心鎖，鎖咗喺巴黎塞納河嘅鎖橋上……。
胡杏兒今次一人分飾兩角，一個係樂天溫柔嘅Zoe，一個係硬朗嘅顧夏晨。尤記得第一輯馬德鐘飾演嘅凌雲志(Vincent)喺羅馬遇交通意外身亡，離世後，阿Bell陳慧珊因為無法接受現實，於是開始產生幻覺，以為Vincent仲喺度，更因而患上思覺失調。今輯Sam哥吳鎮宇喺Zoe病逝後，亦曾產生幻覺，以為Zoe仲喺度……
編審安排得胡杏兒一人分飾兩角，自有安排。Sam哥一直當咗顧夏晨係Zoe，好不容易才抽離。後來顧夏晨接受完飛行訓練，問Sam哥有冇嘢同佢講……喺呢個時候，Sam哥終於忍唔住，同佢說對不起——因為Sam哥一直覺得自己有負了Zoe、一直懷著罪疚感過活，而呢一刻，Sam哥終於可以放下了。
同場加映陳法拉與Sam哥欣賞彩虹。第一輯Zoe曾經問過Sam哥，有冇見過彩虹，Sam哥才發現，雖然成日飛上天空，但從無留意過有冇彩虹。第一輯佢同Zoe一齊見證了彩虹之約；今輯這個約定，就由法拉同Sam哥延續吧。
Triangel牽引了陳慧珊同吳鎮宇、亦牽引了吳鎮宇同杏兒(蘇怡)的緣份，來到《衝上2》，triangel繼續它的緣份遊戲。
愛妻Zoe病逝，Sam哥深深吻著triangel，就當是吻著亡妻一樣…
唔知點解，triangel去咗「情敵」張智霖手中。
又唔知點解，俾法拉鎮咗喺鎖橋上…
triangel被遺棄在巴黎塞納河嘅鎖橋上。
呢個係Sam哥幻想中嘅Zoe。
Sam哥以為，還可以像以往一樣，每次起飛前或land後，都可以見到Zoe，並且緊緊握著她的手…
可惜
一切只是幻覺
三角關係
追逐彩虹。陳法拉取代了Zoe的地位了。