吳鎮宇、張智霖、胡杏兒、吳卓義和馬國明等，今天穿上機司及航空人員服飾，於中國航空飛機維修庫，列陣出席TVB新劇《衝上雲霄II》記者會。對有指TVB邀吳鎮宇及張智霖等拍攝《衝》劇挽救收視，吳鎮宇坦言不便回應，但對收視有信心，也覺得新劇賺了很多話題，對陳法拉缺席不會可惜，因每人次會有不同人缺席，還指也有看對方情變報道，但不覺陳法拉受影響。而張智霖則場言會盡力宣傳新劇，盡演員責任。

至於胡杏兒表示將出席5個新劇宣傳活動，劇中還跟吳鎮宇和吳卓義有接吻戲，還指吳鎮宇給她的吻後感是細水長流，而吳卓羲則是較激的。馬國明則指劇中與江美儀譜有性沒愛的姊弟戀，還有激烈的接吻情節。另外，早前跟傅嘉莉傳緋聞戀情的吳卓羲，坦言跟女方碰面不尷尬，並強調對方不是他的女友，也沒有相戀。

Sam哥吳鎮宇料收視合格：希望多啲慶功

Sam哥吳鎮宇及張智霖型爆出場，女士們有冇見暈？

無綫重頭劇《衝上雲霄II》下周播映，眾演員今日喺飛機維修庫舉行記者會，全體演員着晒制服示人，氣勢凌厲﹗

「Sam哥」吳鎮宇同張智霖極受歡迎，而着上空姐服嘅沈卓盈﹐亦都幾受維修庫嘅工作人員歡迎。

雖然主題曲唔再係陳奕迅嘅《歲月如歌》，變咗林子祥主唱，但外界仍對此劇寄望甚殷，唔少演員將套劇重任交託畀鎮宇及張智霖身上。

鎮宇聞言笑稱：「我唔方便回答呀，平常心喇，我相信收視好與壞，都會有人講，咪當贏咗收視就算喇，不過我都希望有多啲慶功，可以同兄弟姊妹見下面，唔擔心，收視應該合格。」

不過今日女主角之一陳法拉缺席記者會，鎮宇就話總會有人缺席，下次可能輪到佢呢﹗至於新加入嘅張智霖，亦唔擔心收視，佢話能夠參與大製作已經好開心，呢啲機會絕對可一不可再。

吳鎮宇對新劇收視有信心，仲話希望多啲慶功。

全體藝員大合照，惟獨欠缺陳法拉，美中不足。

吳鎮宇﹑胡杏兒及張智霖呢個組合，唔知又會擦出乜嘢火花呢？

沈卓盈深受男士歡迎，爭相同佢合照。

沈大師好靚女。

羅仲謙好靚仔。

靚媽陳倩揚。

wow…

張智霖好受歡迎呀。

兩位型男熱到滿頭大汗。

試過有性冇愛？ 馬國明：細個想有純性慾關係

馬國明同江美儀喺戲中有一段有性冇愛嘅激情戲。

喺《衝上雲霄II》內，除咗Sam哥吳鎮宇﹑張智霖﹑胡杏兒同陳法拉嘅感情戲，令人引頸以待外，馬國明同江美儀都有一段有性冇愛嘅激情戲，對於有指佢兩個嘅感情戲似「戀母戲」，馬明就話：「都唔係，佢（江美儀）大我3、4年，只係早入行，其實畫面唔激，只係意識大膽。」

問到現實生活中，有冇試過有性冇愛嘅關係？馬明笑言：「我以前細個都幾想有呢啲純性慾關係，我相信好多男仔都唔介意，尤其個姐姐係吸引，但係我未試過，o依家亦冇膽做咁荒唐事。」馬明真係坦白得可愛！

馬明話江美儀大佢3﹑4年而已。

吳卓羲激動否認戀情：傅嘉莉唔係我女友

吳卓羲同傅嘉莉大方合照，但Ron就否認同女方拍拖。

吳卓羲（Ron）今日同聲稱係佢女友嘅傅嘉莉，今日都有出席《衝上雲霄II》記者會，兩人全程冇乜交流，不過記者叫佢哋影合照時，兩人都大方任影。Ron就再三否認同傅嘉莉係拖友關係，言談間佢語帶激動話自己冇拍拖，傅嘉莉唔係佢女朋友，Ron無奈表示當為部劇宣傳。

至於另一當事人傅嘉莉，之前講到同Ron好似曖曖昧昧咁，但今日Ron親身否認後，傅嘉莉受訪時亦只係話同Ron係朋友關係喎！

兩人企到離行離列。

吳卓羲回應戀情時，表現頗為激動。

Ron熱到標汗。