《衝上雲霄2》馬國明又同朱晨麗 與江美儀「母子戀」修成正果

第一輯《衝上雲霄》,既勵志,又多情。感情主線圍繞住吳鎮宇、陳慧珊、馬德鐘;另一條係吳鎮宇、陳慧珊同胡杏兒;再加多條係有錢仔陳鍵鋒、葉璇同吳卓羲。頂盡加多條蘇玉華同林曉峰。呢幾條線,玩足40集。去到中段,已漸見拖沓。雖然《衝上1》fans可能覺得唔啱聽,不過,係事實。

嚟到第二輯,因為主題曲已經不似預期,去年台慶節目巡禮預告有份演嘅林峯、徐子珊、黃宗澤全部冇影,換來是羅仲謙、陳法拉、周志文、何君誠、朱晨麗等。就連慣演上司、喺第一輯演Solar Airways主任嘅戴誌偉,都變成Skylette嘅單立文……感覺,頗不是味兒。機艙服務經理陳秀珠(即葉璇媽咪)換上變成江美儀,更同馬國明飾演嘅高志宏開花結果(馬國明被安排同鄧梓峰爭女),更加不是味兒。馬國明同江美儀,明明喺《名媛望族》係母子,佢同朱晨麗先係夫妻,點知,喺《衝上2》,馬國明又同朱晨麗有感情戲……

令人驚訝…原來個地球,真係咁細。朱晨麗喺《名媛》無論聲色藝(咬字、髮型同演技)都被彈至體無完膚,今次喺《衝上2》都孭重飛、飾演空姐胡娉,大學一畢業就做空姐,性格設定係「熱情、愛玩、有大小姐氣焰、為人善良」,但睇完佢啲劇照,感覺仍然好《名媛望族》—幾娘吓。希望今次能令人刮目相看啦。

朱晨麗…又襯馬國明BB,唉。
朱晨麗…又襯馬國明BB,唉。

《衝上雲霄Ⅱ》升咗職嘅高志宏
升咗職嘅高志宏,係咪好型仔呢?仲做埋媾女王添。

衝上雲霄II馬國明
邊個捽馬明BB?


咪又係佢囉。

總係覺得上一輯Solar嘅空姐制服靚好多
總係覺得上一輯Solar嘅空姐制服靚好多。

朱晨麗個樣,非常古典
朱晨麗個樣,非常古典。

香香岑麗香都飾演空姐
香香岑麗香都飾演空姐。

朱晨麗連戲服都娘味迫人
朱晨麗連戲服都娘味迫人。

睇唔到馬明懷中呢個係咪朱晨麗,只係感覺…好重
睇唔到馬明懷中呢個係咪朱晨麗,只係感覺…好重。


真係真係好重!

吳卓羲女友傅嘉莉都有份
吳卓羲女友傅嘉莉都有份


但攬住嗰個係Toby,唔係吳卓羲。


Toby仲有美腿睇添。


上一輯Solar有戴誌偉做主任,第二輯就由單立文取代。

豹哥單立文與Sam哥。
豹哥單立文與Sam哥。


幾cute…

唐亦風與高志宏
唐亦風與高志宏,感覺仍像十年前嗎?