03年嘅無綫劇集《衝上雲霄》，其主題曲《歲月如歌》由陳奕迅主唱，同套劇一樣被觀眾奉為經典。
10年後，續集《衝上雲霄II》下個月就播，大家都以為《歲月如歌》都會係呢套劇嘅主題曲，不過原來《衝II》會搵林子祥唱新嘅主題曲，粉絲聽完都好失望。不過最慘係，近日呢首歌終於曝光，仲一播就負評如海水般湧至。
大家唔係彈林子祥嘅唱功，而係首歌完全同套劇唔啱Feel，編曲老土，似足80年代嘅流行曲，亦有網民精僻解讀話:「不如搵尹光唱，真係抵班歌手都唔想上無線，一套劇成敗首主題曲好關鍵，你整首咁嘅嘢，我已經唔想睇，趣味大減，陳奕迅首歌係聽完有理想有前路有光明，聽完林子祥首歌好似見夕照，班機就下墜，無光明了無生氣咁….」
不如用Cookies首《心急人上》，晚晚都可以唱:「又不是八十年代…」
聯絡上《衝II》監製陳維冠，原來換新主題曲係有隱衷，佢喺電話度話：「我哋都知大家好鍾意《歲月如歌》，但TVB劇係要賣埠，歌曲嘅外地版權比較複雜，如果用《歲》只可以喺香港播，最後決定用新歌。阿Lam仲好好，專登為《衝II》度身訂做新歌。」對於俾人話好80年代，陳維冠話：「《歲》愛情感覺重啲，阿Lam呢首歌就好勵志，越聽越有味道。」
《衝上雲霄Ⅱ》主題曲：衝上雲霄
都係聽返《歲月如歌》算啦…
究竟《衝上雲霄II》好唔好睇呢?
又不是八十年代….
唔知係咪因為版權問題呢?
真係唔知啦….
個情景立刻變成卡拉ok嗰啲畫面….
未播就投訴?
網友精僻解讀