《衝上雲霄2》主題曲 林子祥取代陳奕迅

無綫重頭劇《衝上雲霄2》下月15號就首播,大家一直都喺度諗,究竟主題曲,仲係咪陳奕迅嘅《歲月如歌》?畢竟,呢首歌,真係勾起大家太多太多回憶;幾乎係頭幾個音節一響,成套《衝上雲霄》就喺腦海裡面湧晒出嚟。

因為之前試過,鄭嘉穎、胡杏兒主演嘅《怒火街頭2》係沿用番第一集主題曲,故令網民都好期待,希望《衝上2》可以用番《歲月如歌》做主題曲。可惜,監製歐冠英同陳維冠已經回應咗讀者查詢,謂《衝上雲霄2》將不會用上一集的歌曲,今次係特別邀請林子祥唱主題曲,請觀眾密切期待。

林子祥過去唱過不少經典電視金曲,好似《真的漢子》(《當代男兒》萬梓良)、《抉擇》、《人海中一個你》、《改變常改變》(《大家族》);電影金曲更加無數,唱功實力毋庸置疑,而且之前亦同過Eason同台開騷鬥長氣,勁到爆燈。

未知觀眾們,like嗎?

《衝上雲霄Ⅱ》主題曲:衝上雲霄

衝上雲霄Ⅱ
《衝上雲霄1》一切一切,包括Eason同Sam哥吳鎮宇交手呢一幕仍歷歷在目。不過《衝上2》主題曲就改由林子祥主唱喇。

同場加映:
還記得當年Eason都有客串過其中一集《衝上雲霄》?當時佢一落機,就遇到大批歌迷,同Sam哥(吳鎮宇)。咁啱當時Sam哥講緊電話,同對方講咗句﹕「幫我簽埋呀唔該」,Eason以為Sam都係索簽名,於是喺佢車窗上簽下大名,仲問Sam哥﹕「其實我都想問,喺你呢種長輩嚟講,點睇我嘅《明年今日》?」Sam哥嬲到七彩又不便發作,只可以話:「第一,我唔識算命,我唔知你明年今日會點;第二,我上年今日都冇入戲院睇過戲,我俾唔到意見你,唔好意思!」

衝上雲霄
《衝上雲霄》經典重溫…

衝上雲霄
簽咗喇簽咗喇!

衝上雲霄
阿臣問: 「你點睇我嘅《明年今日》?」

衝上雲霄
Sam哥話﹕「我唔識算命,我唔知你明年今日點﹗」