吳鎮宇、張智霖、陳法拉、吳卓羲、羅仲謙、胡定欣和阮小儀等 ，今天到香港飛行總會出席TVB電視劇《衝上雲霄》活動，吳鎮宇、張智霖更在大家面前扮作親吻阮小儀，阮小儀盡享艷福後，表示深怕吳鎮宇和張智霖的粉絲不會放過她。
吳鎮宇獲讚演技好評，謙稱是大家給面子，對被指軍訓教育及送兒子到新加坡求學，吳鎮宇均否認，還表明兒子留港讀書，訓練競爭力及多學中文。至於吳鎮宇在內地劇透表示空難全死的結局，不能拍第三輯一事，他表示不喜歡劇透，只是亂作而已。
姍姍來遲的張智霖，自認是路盲致迷路遲到，還指自己昨晚看到與陳法拉分手的劇情，笑言傷心了一晚致睡眠不足。對於承認有感缺失的報道，張智霖澄清沒有，與太太一起多年和成長，感情如漆似膠。另外，現屬自由身的陳法拉，坦言接拍內地劇集酬金可觀，還指自己沒約簽任何公司，現以輕鬆心情接受不同新事物。
大結局係撞機死？ Sam哥：好冇幽默感
日前「Sam哥」吳鎮宇接受內地傳媒訪問，大爆《衝上雲霄II》所有人將死於空難，當時佢話：「那個飛機爆炸，我們整組人本來去馬爾代夫旅遊，結果『嘭』，全部都在那個空難裡面就……我們為了那個悲哀的結局，默哀三分鐘……」仲話所以《衝上III》一定唔會見到佢哋0架喇！
Sam哥此言一出，自然令一眾fans傷透心——咁《非常突然》嘅結局，確是令人措手不及，但無綫做唔做得出呢？做得出0架喎！大不了話原班人馬出現，然後話佢哋都係人有相似／失散兄弟姊妹／回魂／回憶都得。但，放心，流的。個結局，係鎮宇自己吹出嚟而已。
今日鎮宇同「Cool魔」張智霖(Chilam)、陳法拉、吳卓羲(Ron)阮小儀等齊集九龍城宣傳《衝上II》，鎮宇笑道：「好冇幽默感，邊有咁多劇透？我咪作一個最冇可能發生嘅結局，咁都有人信！」
曾被鎮宇鬧爆嘅Ron，就為Sam哥解話：「佢講笑啫，套劇咁勵志，我同杏兒會大團圓結局。」
Sam哥今日親解自爆嗰個「撞機」結局有幾「堅」。
咦，後面有架飛機喎，Captain Cool同Captain Tong係時候展身手喇！
法拉首現身 自爆大把劇本揀 就係冇無綫
《衝上雲霄II》今日搞宣傳，一次都冇幫《衝上II》宣傳嘅陳法拉，今日現身但風頭卻俾小儀搶晒去。
法拉冇現身宣傳就話係去美國進修演技，佢今日就話未知會唔會再返去進修啦，佢話﹕「老師都有email問我，嗰邊都想我繼續讀，但返嚟有好多電影劇本俾我睇，內地同英文都有，搞到我心大心細。」不過當中就係冇娘家無綫份，似乎雙方合作關係鐵定中斷。
法拉又話依家自由身好開心，所以暫時唔想改變現狀，又話喺美國拍賣會買咗支靚紅酒，準備請Sam哥同「Cool魔」張智霖食飯時一齊品嚐。另外，法拉喺台上重演整蛋糕場面，點知Chilam係咁問問題搞住佢，仲衰衰咁問:「梁政鈺三圍幾多。」點知法拉一時口快話:「38g」。Chilam再衰衰咁答:「嘩，乜咁重呀！」
人肉巴黎鐵塔。
反轉再反轉?
正正經經影返張
咁耐冇見，梗係多嘢問。
喂，兩位咁拉住法拉想點?
當街(?!)拉拉扯扯唔好睇呀。
法拉整蛋糕，就俾Chilam問梁政鈺三圍幾多。
小儀「一箭雙鵰」 連環咀Sam哥同Cool魔
今日一眾《衝上雲霄II》演員包括吳鎮宇、張智霖、吳卓羲、陳法拉、胡定欣及羅仲謙等齊集九龍城造勢，好齊腳，但始終唔及佢——阮小儀搶鏡。
扮演婚姻介紹所老闆娘嘅小儀，第一次出場就扮「貓女」~meow~人未到聲先到由枱底爬出嚟，重口味得嚟又好可愛，不少觀眾都大為受落。今日一出嚟，佢仲連環「扮」嘴型男Sam哥同Cool魔，連胡定欣嘅舊愛黃子恆都忍唔住同小儀咀。
擺出姿態係「好餓好餓」嘅法拉，唔止咀Sam哥同Cool魔，仲叫兩人做「老公」同「男朋友」，小儀笑道:「我同Sam哥係不倫戀。」鎮宇就話﹕「係不倫不類戀呀!」
之後鎮宇又一手拉住羅仲謙，推佢俾小儀話:「畀件嫩口你。」艷福無邊嘅小儀登時被ChiLam取笑:「今日呢個記者會係咪你俾錢搞0架！」
小儀一於話之你，繼續努力，仲集埋黃子恆(即CoCo胡定欣未婚夫Nick)郵，並於微博炫耀:「喂呀！定欣，你話唔要0架，我要！正呀，黃子恆！」又貼「一箭雙鵰」圖:「哈哈哈！今日我一箭雙鵰！Captain Tong & Captain Cool…yeah!」
小儀，你知道你已經為了女人公敵嗎？
不倫戀？
鎮宇更正:「係不倫不類戀呀!」
Sam哥之前明明話唔係個個男人都咁食得鹹，因為對個腎唔好，但點解今日又…
啜啜啜啜
啜啜啜啜，啜啜啜啜，啜啜啜啜!
唉，小儀又嚟…
鎮宇一手拉住羅仲謙，推佢俾小儀話:「畀件嫩口你。」
吓？連Toby都忍唔住？