《衝上雲霄II》大結局劇透 Cool魔化解大空難

無綫重頭劇《衝上雲霄II》終於踏入結局篇,喺呢個禮拜嘅劇情會交代大家嘅感情,最令大家回味嘅,梗係Sam哥(吳鎮宇)同何年希(陳法拉)呢段感情,睇見Sam哥拍拖嗰個萌樣,真係體會到愛情嘅魔力係幾厲害!Sam哥仲會喺呢個禮拜公開年希嘅女友地位,原來係因為飾演BJ嘅張國強出現。

BJ同Manna(米雪)因為各有家庭,過往只係維持住好朋友嘅關係,不過喺每年嘅2月28日都會約定見面,BJ考核完年希嘅機師考試後宣佈退休,佢希望同Manna去另一個地方享受佢哋嘅新生活,所以臨行前約咗Sam哥同年希見面, Manna送咗守護天使畀年希,希望可以守護佢哋呢份感情,亦都想Sam哥好好照顧佢,唔知係咪俾佢哋感動到,所以Sam哥終於喺大家面前承認同年希拍緊拖。但係Sam哥同年希成日為啲小問題而嗌交,而且Cool魔又死心不息纏住年希,搞到呢段三角關係更加複雜。Cool魔還會向曾發生關係的陳敏之求婚。

何年希成功通過機師試後,獲Sam哥送上機師帽兼熱吻祝賀。電視圖片
■何年希成功通過機師試後,獲Sam哥送上機師帽兼熱吻祝賀。電視圖片

Cool魔一直死心不息想追回何年希,搞到段三角關係好複雜。
■Cool魔一直死心不息想追回何年希,搞到段三角關係好複雜。
電視圖片

多得張國強飾演傳說機長BJ嘅出現,令Sam哥承認同何年希拍拖。
■多得張國強飾演傳說機長BJ嘅出現,令Sam哥承認同何年希拍拖。
電視圖片

喬祖思最後心願

喬祖思(傅嘉莉)喺生命倒數嘅前夕,搵咗Issac(吳卓羲)影婚紗相,當人生最後一件想做嘅事,但係原來喬祖思一早知道Issac最愛係夏晨(胡杏兒),所以專登安排呢個誤會,最終Issac同夏晨都可以喺埋一齊。詹子麟(羅仲謙)同CoCo(胡定欣)亦都喺BB出世後喺埋一齊。

呢套劇嘅結局篇安排周五晚上連續播映兩個鐘,之後星期日嘅結局仲會移師去將軍澳新都城二期齊齊睇結局,但係聽講始終事出突然,唔少演員都有工作在身,所以o依家大家都好努力度期,希望有一個完美嘅結局!對於張智霖不滿在《衝II》中的角色被刪剪得肢離破碎,陳法拉說:「不清楚,只有演員才知自己角色的情況。因為劇集原定四十集,但因為出外景多最後拍成四十五集,因要遷就其他劇集檔期,所以只能濃縮為四十三集。相信他們會專業決定是剪還是留。」她亦不認同外界覺得顧夏陽角色煩厭,更大讚他有型。

此外,昨日有讀者報料,指周五播放嘅《衝II》,一幕講述吳鎮宇訓斥陳法拉喺駕飛機時拿取飲品,但第一輯嗰陣,Sam哥都喺駕駛艙度攞陳慧珊遞畀佢杯嘢飲,話劇情前後矛盾。

《衝上雲霄Ⅱ》大結局劇透
■CoCo在大肚期間,與詹詹互相扶持,最後終於開花結果。電視圖片

喬祖思知道Issac最愛係夏晨,最後決定讓愛。
■喬祖思知道Issac最愛係夏晨,最後決定讓愛。
電視圖片

Cool魔化解大空難

Sam哥吳鎮宇早前在內地接受訪問時,談及大結局是眾主角齊遇空難,全部悲劇收場,之後吳鎮宇再被追問時則解說是開玩笑,不過,原來Sam哥的劇透有一半是真的,最後一集將講述眾主角乘搭同一班飛機,遇上引擎及降落糸統出現問題,眾人生死都落在「Cool魔」張智霖手上,當然是有驚無險,大團圓結局。