張智霖報警避狗仔隊 吳卓羲羨慕馬國明好艷福

「Cool魔」張智霖遭追訪 搞到要報警

「Cool魔」張智霖(Chilam)﹑吳卓羲﹑胡定欣及江美儀等,今日到荃灣宣傳人氣劇《衝上雲霄II》,但吳鎮宇﹑陳法拉﹑胡杏兒及馬國明等就冇出席。眾演員同現場觀眾玩遊戲,Chilam更搞笑到扮飛機,吳卓羲就幫佢影相,認真大細路,而Chilam除咗冧死女外,連小朋友就為佢着迷。現場所見,人氣爆燈嘅Chilam最受歡迎,近日仲成為追訪目標,Chilam話日前被狗仔隊追訪,搞到佢要去跑馬地差館報案,Chilam話:「靚靚(老婆袁詠儀)叫我唔好咁極端,仲話你預咗啦,角色咁受歡迎,都唔知係咪寸緊我?」

都係嗰句,鬼叫你紅咩﹗


張智霖同吳卓羲十足十大細路。


wow,Cool魔嚟啦﹗


張智霖話近日被狗仔隊追訪,結果搞到報警收場。


Chilam冧爆女粉絲


大合照

Chilam馬明多艷福 吳卓羲醋爆:唔開心到極點

「Cool魔」張智霖(Chilam)同馬國明喺《衝上雲霄II》艷福不淺,Chilam喺劇中同梁政珏﹑陳敏之﹑陳法拉等,有不同程度嘅親密接觸,而馬明亦同拋胸林芊妤(Coffee),喺墾丁沙灘胸壓及錫錫,結果惹來吳卓羲「呷醋」及投訴:「唔開心到極點,希望開第三輯時比多啲我,馬國明都好開心,台灣啲戲份好動感,我指佢跑嗰時。」吳卓羲又坦言佢同吳鎮宇都好羨慕Chilam,又難怪嘅….

此外,Coffee今日都有現身宣傳活動,講到憑一場胸壓馬國明戲份而出位,佢就形容自己身材剛剛好,而着泳衣上陣係底線喎。


吳卓羲(左)話好羨慕張智霖喺戲中咁好艷福;林芊妤(右)因一場胸壓馬國明戲份,火速上位。


孫慧雪﹑劉俐﹑林芊妤及陳倩揚


吳卓羲﹑胡定欣及黃子恆


好多枌絲


傅嘉莉


林芊妤話自己身形啱啱好