《衝上雲霄II》驚現露點鹹書 隨時觸犯淫審條例

無綫重頭劇《衝上雲霄II》收視一直高企兼富話題性,尤其首播一周,「Cool魔」張智霖的風流個性造就了多個香艷場面,後來陳法拉更半裸誘Cool魔,無綫為免被指灑鹽花及被觀眾投訴而作出刪剪,估不到前晚竟出現裸女露點鹹書畫面,黃國桐律師昨指電視播出這些畫面,隨時觸犯淫審條例。

無綫劇《衝上雲霄II》開播以來一直話題多多,除張智霖和吳鎮宇兩男主角鬥型外,劇中營造Cool魔一角而出現的香艷場面,為觀眾津津樂道,特別是「Holiday」陳法拉在法國古堡半裸一幕,引人入勝,無綫更因怕被觀眾投訴而大幅刪剪,反被觀眾指刪剪令效果更差。

無綫死撐:唔係刻意

無綫一直謹守電視廣播條例,以免惹來投訴,但前晚《衝II》竟有露點鹹書鏡頭出現。原來前晚一集劇情講到「夏晨」胡杏兒隨「Issac」吳卓羲及「Roy」馬國明到英國散心,之後兩男陪夏晨到法國搵同父異母的妹妹,去到塞納河畔二手書攤時,夏晨搵到故事書,Roy則選購鹹書,還被Issac取笑是鹹濕仔,他指着Roy手上的鹹書說:「呢啲書兒童不宜㗎喎!」正當三人在書攤流連時,竟拍到書攤擺放了幾本以露點裸女做封面的書籍,近鏡達兩秒,遠鏡更有五秒之多,該時段雖屬「家長指引」時段,但可否播放露點裸女鏡頭似乎值得商榷。

無綫外事部副總監曾醒明昨在電話中回覆此事說:「劇情係講馬國明同吳卓羲喺塞納河河邊舊報攤買書,報攤係賣古董及藝術書,係借助場口刻意突出馬明風流不羈嘅特性,但唔係刻意賣弄性感,可以話係編輯需要,而且視線範圍雜誌係有膠袋,最重要我哋唔係刻意將咁嘅畫面無限放大。」

《衝上雲霄II》驚現露點鹹書
前晚《衝上雲霄II》鏡頭呈現書攤放了多本露點鹹書。電視圖片

《衝上雲霄Ⅱ》驚現露點鹹書
■馬國明(右)請吳卓羲幫忙揀鹹書時,吳卓羲即說:「呢啲書兒童不宜喎!」電視圖片

最高罰款50萬或監禁

曾醒明強調向內部電視條例審查科查詢過,合乎電視廣播條例,因鏡頭並非刻意賣弄性感或色情,未有牴觸。問到是否後期製作時睇漏眼?他說:「唔係,馬明買嘅書都冇近鏡,裸露嘅書係喺鏡頭下方,比較矇,唔係焦點,係劇情環境需要,最重要我哋唔係刻意賣弄,亦冇任何投訴,仲有觀眾話胡杏兒、吳卓羲演得好,談情夠甜蜜。」而前晚一集收視平均31點(約199萬觀眾),最高32點(約205萬觀眾)。

對於《衝II》播放淫褻刊物露點照片,黃國桐律師昨接受電話訪問時表示:「電視播放外國報攤上嘅色情刊物不雅照片,首先電視台應自我檢點,可以將畫面刪除,因為香港色情刊物係受淫褻及不雅物品管制條例監管,電視播出呢啲畫面都可觸犯淫審條例。當局如果收到投訴,一般觸犯者將會受到口頭警告,而該等罪行最高刑罰為罰款50萬或監禁3年,但一般嚟講嗰啲投訴,只會收到警告信。」

杏兒:已經收起好多

對於露點鹹書鏡頭,身在內地拍劇的杏兒說:「拍攝時已留意到有呢啲書,本身有好多㗎,已經收起好多,個攤檔係專賣嗰啲書,收唔到投訴就OK啦,橋段係講馬明要買呢啲書,個鏡頭都唔係好長箒。」至於被觀眾讚與吳卓羲感覺sweet,杏兒笑言:「係㗎!我哋段戲好sweet,啲戲冇乜親密接觸,就係越唔親密觀眾越想睇落去。」

吳卓羲則表示拍攝時未有留意到,他又多謝觀眾讚他與杏兒的演出,叫大家繼續收看《衝II》。而通訊事務管理局回覆指前晚一集《衝II》沒有收到任何投訴,若收到投訴,通訊局會按既定程序處理。