《衝上雲霄II》NG花絮片 羅仲謙反串胸誘吳鎮宇

無綫重頭劇《衝上雲霄II》吸引到唔少電視迷捧場,今晚播到第16集,劇情越嚟越深入,為咗幫個劇造勢增加收視,無綫竟然罕有咁將條5分幾鐘嘅NG花絮片段放上YouTube任睇,由上星期五上載開始計,截至噚日下晝3點幾已經有超過3,000點擊率,有啲網民仲留言話5分鐘太少!

Cool魔猜枚爆笑

NG片裏面,最搶鏡係嚴肅嘅「Sam哥」吳鎮宇同「Jim Jim」羅仲謙竟然扮鬼扮馬,化咗老伯伯妝嘅鎮宇,同反串老婆婆嘅謙仔作狀玩嘴對嘴,裝胸嘅謙仔化晒濃妝,妖艷又惹笑,難怪佢哋未咀得成已經笑到彈開咗。另一場馬國明同江美儀嘅床上咀戲,NG再拍時,馬明奸笑話要從頭嚟過,江美儀忍唔住拍佢個頭,相當精采。

《衝上雲霄Ⅱ》花絮片段中,飾演Jim Jim嘅羅仲謙(右)反串同Sam哥吳鎮宇扮咀,效果爆笑。
■近日流出嘅《衝上雲霄II》花絮片段中,飾演Jim Jim嘅羅仲謙(右)反串同Sam哥吳鎮宇扮咀,效果爆笑。
電視圖片

一直受網民關注嘅「巴斯光年」鄧梓峰,同吳鎮宇一場面試戲,鎮宇講完一堆對白等鄧梓峰接,點知鎮宇講完鄧梓峰完全冇反應,鎮宇俾佢激到笑咗出嚟!片尾部份就有「Cool魔」張智霖同胡杏兒兩兄妹和好如初片段,佢哋仲玩埋猜枚,初初幾有默契,不過玩兩玩就猜到亂晒,兩隻嘢淨係掛住笑,勁多NG!另外,張智霖同法拉喺英國嘅激情戲喺香港版刪咗,啱啱喺新加坡嘅鎮宇就喺微博留言話:「可在這裏看到,哈!我有福了!」佢仲諗住同囝囝一齊睇㖭!

《衝上雲霄2》胡杏兒同張智霖猜枚猜到亂晒,投入啲好喎。
■胡杏兒同張智霖猜枚猜到亂晒,投入啲好喎。
電視圖片

法拉突然大哨上身,激罕過性感照呀。
■法拉突然大哨上身,激罕過性感照呀。
電視圖片

Cool魔螢幕前勁cool,原來鏡頭後咁cute!
■Cool魔螢幕前勁cool,原來鏡頭後咁cute!
電視圖片

鎮宇(右)講完嘢後,鄧梓峰呆咗冇畀反應。
■鎮宇(右)講完嘢後,鄧梓峰呆咗冇畀反應。
電視圖片

馬國明同江美儀拍床戲NG,情急爆金句。
■馬國明同江美儀拍床戲NG,情急爆金句。
電視圖片