吳卓羲戒酒醫肝保命

吳卓羲(Ron)今日喺商台接受訪問,有報道話Ron因為工作不斷搞到捱壞身子,尤其個肝最傷,Ron話:「其實七年前已經要睇中醫,嗰時個肝大咗,o依家都係一樣,要縮返細先叫有進步,所以要不斷睇中醫食中藥。」Ron話會盡量少飲酒,不過《衝上雲霄Ⅱ》慶功又唔飲唔得,因為會被Sam哥吳鎮宇鬧。

講到噚晚《衝II》嗰集,陳法拉同張智霖激情戲被刪剪,得返法拉少少裸背戲,反而足本版就喺網上瘋傳,Ron就話說:「我都冇睇過呢場,可能觀眾覺得太多呢類鏡頭先剪走。」但宅男未必咁諗喎?

Ron又話:「劇情比較重要啲,咁監製尊重民意都係好事,但相信作為演員咁搏,都係想場戲出到街比觀眾睇。」

吳卓羲爆《衝上雲霄II》有兩個結局
吳卓羲話現時要睇中醫食中藥。