英皇歌星版《衝上雲霄》微电影〈歲月如歌〉

「抽水」呢一門功夫,個個都識,但就視乎是否靚抽或神抽。有啲抽,抽得好遲,而且,唔係好靚。

好似最近熱播嘅《衝上雲霄II》咁,大家都來抽水,原屬正常。但點解連英皇都來抽水?真係離奇。話說佢哋宣佈開拍微電影《歲月如歌》,女主角係許靖韻(Angela),即係泳兒同鄭希怡混合體嗰個;其他女主角仲有湯怡、衛詩雅、鍾舒漫同泳兒;男主角呢,勁囉,謝霆鋒——係唔會演嘅,型仔飛機師重任,落咗喺長期「青靚白淨」嘅洪卓立身上,仲有羅力威同張致恆等等。

噚晚大夥兒齊集機場酒店切豬拜神,個個著晒空姐同型仔機師制服,擺晒chok 甫士,就連洪卓立,都忽然變成「黑超Captain Cool」,左擁Angela,右擁衛詩雅;張致恆做空中少爺,羅力威應該就係演高級副機長。洪卓立一企起兩男中間,亦忽然變得氣宇軒昂,形象高大咗好多!

吳雨話:「我哋都係食住無綫劇《衝上雲霄II》,佢未拍得成電影,咁我哋咪拍微電影先,都係呢幾日決定,立即借飛機同搵地方拍,《衝I》嘅主題曲《歲月如歌》個版權都係我哋,我哋會叫Angela(許靖韻)翻唱,諗住幫佢拍MV,所以索性拍微電影十幾分鐘。」

萬千視迷要求無綫沿用Eason版本嘅《歲月如歌》做《衝上II》主題曲而不得;Eason自薦請無綫俾機會佢唱《衝上II》主題曲而不得。家陣「泳兒+鄭希怡」混合版話要翻唱《歲月如歌》、兼夾成套微電影都係抽《衝上》水……想睇的,請留言。

英皇歌星版《衝上雲霄II》微电影
英皇版。Captain係洪~卓~立……高級副機場係…羅~力~威~

英皇歌星版《衝上雲霄2》微电影
英皇版。你睇,Captain Hung幾型!!!!!

英皇山寨版《衝上雲霄Ⅱ》微电影
英皇版。又係Captain Hung,嘩﹗嘩﹗

洪卓立演風流Captain Cool 有床戲!

英皇抽《衝上雲霄II》嘅水、搶拍微電影《歲月如歌》,群「星」拱照新人許靖韻(Angela)。白雪雪嘅洪卓立飾演機長,Angela飾演愛唱歌的空姐,獲巨星鍾舒漫(喺微電影入面)賞識;至於Captain Hung洪卓立同空姐衛詩雅及Angela更加有三角戀;高級副機長羅力威原來又鍾意Angela喎。

吳雨仲話,洪卓立仲有床戲0架……兒童適宜嘅。

吳雨笑笑口謂:「Mani(霍汶希)唔肯做江美儀,我諗住做鄧梓峰,可能Mani要做(陳)法拉。」原來呢個劇本,係由吳雨操刀;翻拍《衝上II》呢個idea,都係幾日前先諗到,仲問咗贊助《衝上II》嘅香港航空贊助拍攝。

吳雨形容呢個係《衝上雲霄》搞笑版,亦不諱言話呢個係抽水之作:「劇本係我自己操刀,冇寫好耐喇,我今日用咗兩個零鐘頭寫咗喇,可以話係《衝上雲霄》搞笑版啦,啱啱佢哋帶起個熱潮,觀眾一定有留意;亦可以話係新秀歌唱比賽宣傳。」

至於洪卓立呢個「型仔」機師,唔係叫Captain Hung,而係叫「Cool Bo」(姓寶?)。吳雨話:「人哋就叫Cool魔(張智霖),佢就叫Cool Bo,成日都搞唔掂啲女,成日俾女飛,又成日都要箍番啲女轉頭。

點解唔搵陳偉霆做Captain Chan?話晒人家都做過「的士陳」,都係交通工具服務行業,唔係有說服力啲咩?呢套微電影月底就會出街,拭目以待啦。


湯怡睇實你0架…風流機長!


英皇搞咁大場大龍鳳,一為力谷新人Angela,二為宣傳新一屆新秀大賽。