《衝上雲霄2》首集收視破紀錄 最高35點

《衝上雲霄II》噚晚首播,阿Lam林子祥首主題曲俾網民鬧到飛起。播之前就話唔知首80年代嘅歌係咪真係唔fit個劇啫,但噚晚開播時播咗一次,片尾再播一次,應該感受得好清楚——網上「換歌」之聲不絕於耳,更有網民發動聯署,認真唔講得笑。

觀眾一邊睇一邊鬧已是常事。首集收視,亦已經出爐。平均32點(約205萬人次收看),最高35點,即約225萬人次收看。

睇番《衝上雲霄》第一輯,首周平均收視已有31點,最高係33點。10年前收視計法,係1點等如64,800人次,換言之即平均約有200萬人次收看,最高有214萬人次。

帳面數睇,人次唔及十年前多,因為當年人口都冇依家咁多。而且當年《衝上》有個勁敵——吳鎮宇早前都講過,嗰套就係《西關大少》——張智霖、劉松仁主演。嗰陣兩劇都係台慶劇,但《西關》收視更勝一籌,試過有個禮拜,最高見40點,約有263萬人次收看,平均都有34點。不過十年人事幾番新,依家西關大少空降Skylette同Sam哥做埋同事,雙劍合璧,收視有冇80點呢?

《衝上雲霄II》首集收視標青,更勝上輯首周。未知可否突破當年宿敵——《西關大少》嘅40點收視
《衝上雲霄II》首集收視標青,更勝上輯首周。未知可否突破當年宿敵——《西關大少》嘅40點收視?

《衝上I》首周平均收視有31點,最高有33點。《衝上II》嘅首集最高收視仲高佢兩點
《衝上I》首周平均收視有31點,最高有33點。《衝上II》嘅首集最高收視仲高佢兩點。

《西關大少》格局又係《名媛望族》,但當年卡士吸引好多
《西關大少》格局又係《名媛望族》,但當年卡士吸引好多。