《叱咤樂壇流行榜頒獎禮》賽果
「叱咤樂壇男歌手」
金獎：陳奕迅
銀獎：張敬軒
銅獎：古巨基
「叱咤樂壇女歌手」
金獎：容祖兒
銀獎：謝安琪
銅獎：楊千嬅
「叱咤樂壇組合」
金獎：農夫
銀獎：RubberBand
銅獎：野仔
「叱咤樂壇至尊唱片大獎」
唱片名稱：《Time Flies》
歌手：陳奕迅
監製：陳奕迅、Eric Kwok、Alvin Leung
「叱咤樂壇唱作人」
金獎：王菀之
銀獎：孫耀威
銅獎：周國賢
「叱咤樂壇生力軍」
金獎：C AllStar
銀獎：糖兄妹
銅獎：林奕匡
「叱咤樂壇作曲人大獎」：方大同
「叱咤樂壇填詞人大獎」：黃偉文
「叱咤樂壇監製大獎」：雷頌德
「叱咤樂壇編曲人大獎」：RubberBand
「叱咤樂壇我最喜愛的男歌手」：陳奕迅
「叱咤樂壇我最喜愛的女歌手」：楊千嬅
「叱咤樂壇我最喜愛的組合」：RubberBand
「叱咤樂壇我最喜愛的歌曲大獎」
歌曲名稱：《陀飛輪》
歌手：陳奕迅
作曲：Vincent Chow
填詞：黃偉文
編曲：Gary Tong
監製：Alvin Leong
「專業推介、叱咤十大」
叱咤樂壇至尊歌曲大獎（即第一位）：
歌曲名稱：《Simple Love Song》
歌手：RubberBand
作曲：正@RubberBand
填詞：Tim Lui
編曲：RubberBand
監製：雷頌德、RubberBand
第二位：《黑色狂迷》Mr.
第三位：《脆弱》謝安琪
第四位：《桃色冒險》容祖兒
第五位：《陀飛輪》陳奕迅
第六位：《乞丐王子》周柏豪
第七位：《有時》周國賢
第八位：《時代》古巨基
第九位：《忘了．忘不了》許志安
第十位：《我係我》楊千嬅
吒咤：千嬅打頭陣領獎搵番自己條路
【20:48】2011年01月01日
《叱咤樂壇流行榜頒獎典禮》於晚上8時30分開騷，楊千嬅憑《我係我》奪「叱咤十大」第十位，率先上台領獎，她致感謝詞時說：「呢個係好開始，多謝at17盧凱彤幫我彈咁有感情結他，自己有機會返華星好大恩典，亦係情意結，人最開心境界係搵番自己，好開心支持我o既朋友幫我搵番呢條路，我會繼續努力。」
楊千嬅憑《我係我》奪得「叱咤十大」第十位。
吒咤：許志安重踏頒獎台靠兄弟
【20:57】2011年01月01日
蘇永康和梁漢文負責宣布「叱咤十大」第九位獎項，梁漢文搞笑地說：「我今日主要係坐，依家打緊曼聯，我覺得睇叱咤重要過睇曼聯。」而蘇永康則說：「我唔睇波，今年樂壇風雨太多，我都係坐，睇住邊個攞獎都開心。」最後二人宣布好友許志安《忘了 忘不了》獲獎，多年未踏上叱咤獎台的安仔開心地說：「呢個獎特別珍貴，今年最自豪做BOG FOUR演唱會，呢個獎屬於我哋四個。」
許志安表示這個獎是屬於BiG FOUR四兄弟擁有的。
安仔感謝蘇永康（左）和梁漢文（右）頒獎給他。
吒咤：陳奕迅宣布自己攞獎感謝富二代
【21:18】2011年01月01日
陳奕迅（Eason）上台宣布自己的《陀飛輪》奪得「叱咤十大」第五位，獲全場歡呼，Eason說：「呢首歌係Team Work，可能有少少唔係咁完美，但加埋係力量，多謝黃偉文填詞，連北京富豪第二代都好有同感，佢哋都感動。（轉Channel用普通話說）所以我非常滿足，感謝富豪二代，謝謝你們聽得懂我首歌。」
被封吹王的陳交迅為多謝北京富二代，在台上改用普通話致謝詞。
叱咤：丁子高帶兩個媽為老婆打氣
【21:24】2011年01月01日
有很多藝人的親人、父母出席今晚的《叱咤樂壇頒獎典禮》以示支持，當中有陳奕迅（Eason）的父親陳裘大、DJ林海峰（Jan）的父母、何韻詩（阿詩）父母和近期十分甜蜜的楊千嬅老公丁子高，他還帶同了楊媽媽和丁媽媽一同出席，為千嬅打氣。
丁子高與何韻詩父母來個先禮而後兵。
叱咤：祖兒為入行第十個年頭披荊斬棘
【21:26】2011年01月01日
容祖兒憑《桃色冒險》奪得「叱咤十大」第四位，她說：「呢身造型係出入平安，2010年係我入行第十個年頭，呢一年披荊斬棘，年頭經常o係腦入面發生自我否定畫面，好在好多身邊朋友畀我鼓勵，多謝曾經鼓勵、支持我o既同事、屋企人同歌迷。」祖兒表示今次是首次沒有帶扇演釋這首歌。
容祖兒十年以來獲獎無數，但這個獎令她很有感覺。
祖兒一展歌后本色，唱出繞樑三日的歌聲。
叱咤：謝安琪出碟難呼籲樂壇團結
【21:33】2011年01月01日
謝安琪（Kay）憑《脆弱》奪得「叱咤十大」第三位，她說：「今年可以出國語碟真係唔易，呢個舞台特別感觸，因為可以企o係呢個台好艱難，我好想多謝樂壇歌手，每次台上得獎o既人都想有台下歌手支持，今年樂壇好多艱難地方，希望2011年可以有團結一致、步伐一致o既樂壇。」
謝安琪望香港壇在2011年有好的開始。
主持朱薰的打扮十分出位。
叱咤：周柏豪自爆窮到冇錢睇醫生
【21:41】2011年01月01日
周柏豪憑《乞丐王子》首次打入「叱咤十大」，他眼泛淚光自爆曾患情緒病：「我七年前患精神病，唔係，係情緒病，當時屋企好窮冇錢睇醫生，好在識到老闆同陳光榮，今日好想o係度多謝佢哋，老實講，我無比緊張，入行前同當年女友撲到兩張飛，o係最後一行睇住陳奕迅背脊都好開心，冇諗過今日自己o係台上望到最後一行，唔知幾時再有機會上台。」
周柏豪表示入行前十分窮困，首次打入「叱咤十大」，令他吐氣揚眉。
叱咤：C All Star奪生力軍金獎
【21:46】2011年01月01日
「叱咤生力軍」金獎：C All Star、銀獎：糖兄妹、銅獎：林奕匡，C All Star四子上台說罷一句：「我哋四個講o野唔叻。」隨即就Rap住致謝，令全場拍爛手掌，別開生面！
C All Star獲「叱咤生力軍」金獎。
「叱咤生力軍」銀獎得主糖兄妹。
林奕匡奪「叱咤生力軍」銅獎。
叱咤：Alan@Mr.唔識講o野做主音
【21:54】2011年01月01日
Mr.憑《黑色狂迷》奪得「叱咤十大」第二位，主音Alan說：「冇諗過在叱咤攞獎，五個（成員）最冇自信係我、最唔識講o野係我，但係偏偏我係主音，今日呢個Look唔習慣，好似好囂，呢年好少留港做宣傳，多謝不離不棄o既歌迷。」
Mr.五子MJ（左起）、Tom、Alan、Ronny及Dash以歌聲多謝歌迷支持。
主持森美的造型充滿占士甸Feel。
叱咤：RB撼低班霸奪至尊歌曲大獎
【22:05】2011年01月01日
樂隊RubberBand（RB）憑《Simple Love Song》首奪「至尊歌曲大獎」，撼低一眾天王天后，四子激動地說：「多謝電台同唱片公司，RubberBand在06年簽畀公司，好多謝雷頌德同黃柏高栽培，呢隻歌寫時感覺好舒服、溫暖，好想同大家分享呢種感覺。」而成員泥鯭則多謝已經離隊的藝琛：「冇佢冇RubberBand，呢個獎藝琛有份。」
RubberBand領至尊歌曲大獎時不忘感謝離隊的藝琛。
叱咤：黃偉文打抵宿敵林夕奪填詞人
【22:20】2011年01月01日
方大同獲「叱咤樂壇作曲人大獎」，RubberBnad再次上台獲「叱咤樂壇編曲人大獎」，四子多謝許志安、古巨基信任和鼓勵，而雷頌德則獲「叱咤樂壇監製大獎」，由於他卻抱恙缺席，至於黃偉文終於擊敗死敵林夕奪「叱咤樂壇填詞人大獎」。
黃偉文奪「叱咤樂壇填詞人大獎」時表示最想攞男歌手獎。
方大同奪得「叱咤樂壇作曲人大獎」。
叱咤：孫耀威告别偶像奪唱作人銀獎
【22:28】2011年01月01日
「叱咤樂壇唱作人大獎」金獎：王菀之、銀獎：孫耀威、銅獎：周國賢，首獲唱作人的孫耀威開心地說：「冇諗過可以上台攞唱作人獎，入行17年，上次攞叱咤係1994新人獎，呢17年由偶像歌手變成內地全職演員，幾年前返香港樂壇冇諗過變唱作人，呢條路好難行，今日好開心搵番自信，真正告別偶像，終於話畀大家知我係香港歌手，台下歌手都係我學習對象。」最後，老孫在台上公開多謝女友：「多謝Macy，I love you。」
孫耀威入行十七年終於可告別偶像派。
老孫領獎時感動到喊。
叱咤：王宛之唱作路好難行
【22:48】2011年01月01日
王菀之在《叱咤樂壇流行榜頒獎典禮》中奪得「叱咤樂壇唱作人」金獎，她得獎後眼泛淚光說：「好幾次忘記唱作呢條路，好難行，好多時唔知寫咩，有時想寫啲好Hit歌，但有時鍾意寫唔同Style歌畀歌迷聽，唔知大家鍾唔鍾意。」
王宛之多謝今年合作17場舞台劇的好友張敬軒。
叱咤：農夫奪組合金獎呼籲買碟
【23:09】2011年01月01日
叱咤頒獎禮的「叱咤樂壇組合」得主，分別是金獎農夫，RubberBand得銀獎，野仔則奪得銅獎。農夫在台上呼籲歌迷多買碟，以行動支持樂壇。
農夫今年炮製了兩張碟，坦言為了造音樂冇時間搵外快。
RubberBand得「叱咤樂壇組合」銀獎。
叱咤：楊千嬅眼濕濕唔信攞女歌手銅獎
【23:23】2011年01月01日
楊千嬅獲「叱咤女歌手」銅獎，她激動得眼濕濕說：「嘩！我真係冇諗過！三年冇機會攞女歌手，我點解喊！過去幾年學識對人快樂係好高成就，抱住攞金獎心情攞銅獎，好驚，點解呢？」
千嬅多謝唱片公司、林夕、歌迷，還有老公丁子高：「我要多謝屋企人、朋友，多謝我先生，多謝佢過去三年在我人生最迷茫、樽頸位時鼓勵我，迫我唱卡拉OK，多謝所有打造楊千嬅o既朋友，我會繼續努力。」
叱咤：謝安琪奪銀獎公開多謝張繼聰
【23:30】2011年01月01日
謝安琪（Kay）奪「叱咤樂壇女歌手」銀獎，她在台上多謝一眾工作夥伴外，亦罕有地公開多謝老公張繼聰，還大讚他靚仔。
Kay還透露接見「十大傑青」五位評審時，有評審表示不清楚她的音樂，但記起她的緋聞，她指這正是做歌手最艱難之處，就算用盡力宣傳音樂也不及八卦雜誌所寫的緋聞入腦。
叱咤：容祖兒女歌手金獎六年霸
【23:33】2011年01月01日
容祖兒冧莊奪「叱咤女歌手」金獎，成為六年霸威盡樂壇，她激動地說：「多謝！等宣布結果不停回憶呢年所準備o既功夫，相信唔係演唱會冇可能得呢個獎，多謝所有幫過我o既製作單位，相信好多觀眾疑惑唔知歌手會唔會緊張賽果，我話畀大家知係會，但唔係睇賽果，而係日常表演大家對我o既評價，我會好小心挑選可靠網站睇。」
祖兒自爆昨日收到何韻詩Email，有網站概括2010年樂壇，給予祖兒最佳進步獎：「佢話一直以為我係唱歌機器，冇乜感情，但演唱會睇到我進步，非常多謝呢位朋友咁細心觀察我，我絕對唔係脫胎換骨，但想大家睇到我進步，好多人話我演唱會好好睇，呢啲讚賞已經係獎項，希望大家唔好吝嗇對我O既讚賞，獎項得一個，但好多人努力緊。」
宣布得獎後，祖兒感動到哭了出來。
祖兒上台感謝歌迷。
叱咤：陳奕迅破紀錄七奪男歌手金獎
【23:35】2011年01月01日
古巨基奪得「叱咤樂壇男歌手」銅獎，他致謝詞時說：「做音樂最快樂唔係攞獎，而係做啲有意思o既事。」張敬軒喜奪得「叱咤樂壇男歌手」銀獎，而陳奕迅七奪「叱咤樂壇男歌手」金獎，創造樂壇紀錄。
陳奕迅在台上享受領獎的樂趣。