【無綫台慶】苟姑娘封胸 不敵高ling警鐘胸
2012-11-19 19:49:36
今晚係無綫台慶，所有花旦當然都照例騷性感搶鏡，高海寧雖然次次活動都博盡谷胸，不過呢o的o野，又點會睇得厭呢?佢著住件火姐晚裝，谷行警鐘胸，相反高登女神苟芸慧話過封胸，所以見佢著住條粉紅色晚裝，可愛有餘性感不足。
是屆港姐亞軍黃心穎都好博命，而陳煒就著住套希臘女神裝，走高貴路線。
港姐之中，以低胸黃心穎最突出。
高ling全身睇
苟姑娘夠可愛，但冇睇頭。
好得高登仔心o既陳煒就主力高貴。
樂瞳呢套應該係表演服。
莊思敏都力谷咪咪
【無綫台慶】思琦奶力敵陳庭欣加墊胸
2012-11-19 19:58:07
兩個都升做阿媽級嘅「司棋姐」李司棋同「思琦妹」楊思琦，今晚盛裝出席無綫台慶，似足孖公仔，影相手勢一致。
雖然身材梗係畀思琦妹贏晒，修晒身完全唔似生過，但係司棋姐既鑽飾項頭都係咁搶眼架﹗但係女藝人講出眾，咁梗係港姐陳庭欣啦﹗佢吊帶背心長裙，條事業線走勢好強，應該打低唔少女藝人，而且佢要嚟一招「飛Bra走奶」，呢杯奶茶真係好好飲。
兩個司棋/思琦盛裝上陣，都唔夠陳庭欣一個露胸墊咁夠照。
楊思琦谷胸上陣。
思琦全天然，但陳庭欣就人工僭建……加咗墊呀﹗
陳庭欣罕有地露事業線。
點知一露就連胸墊都露埋。
【無綫台慶】黎耀祥好打得 嘉欣BB好密實
2012-11-19 20:08:52
無綫台慶，會有好多表演，最近好多藝員都因此整傷，而黎耀祥就因為表演打鼓，冇乜高難度動就逃過一劫。
佢今日出O黎，一身日式o既服裝，好似好「打」得，未知今晚表現如何。而鍾嘉欣就反而不走清純可愛路線，穿上黑白晚裝，十分冷艷，高登仔會否失望?
呢個look，好型仔，但好似矮o左少少。
田蕊妮火紅谷胸
高ling著上表演服
莊思明都谷胸上陣
嘉欣淨係露手臂，令人失望!
陳敏之都係著火紅晚裝，今年興粉紅同紅色乎?
【無綫台慶】徐子珊巫婆look嚇人
2012-11-19 20:09:49
每年《萬千星輝賀台慶》開騷前，女藝人都會花枝招展盡騷悉心打扮靚衫。黑白雙煞永遠最殺食，先嚟個今年有力事業起飛問鼎視后嘅徐子珊，不過佢似乎今年好錫身，完全唔見事業線，望落去仲有啲似巫婆咁。
後生細女糖妹都係以一貫密實Look示人，好似老咗十年。只係望下谷胸白天鵝Look嘅李雪瑩，經已一面倒擊敗黑衫組。
白雪雪嘅李雪瑩
徐子珊，你成個look想點？
後生女應該活潑啲嘛，糖妹﹗
陳美詩忽然變拮手V煞面
2012-11-19 20:17:10
潮流興玩變魔術，但係女藝人鍾意玩「變臉」多啲，而且孫耀威「連中兩元」。舊愛楊秀惠之前有排塊臉突然變到兩邊歪，估唔到連新歡陳美詩都係咁。
今晚TVB台慶，陳美詩打扮到好靚咁出席，套一字膞晚裝都唔及佢塊臉突出，突然變咗V煞面，變到差啲唔認得佢。其實佢晏晝喺微博貼過一張去整頭髮嘅相，塊臉都冇夜晚咁尖，乜變得咁快架？
俯身想谷胸搶鏡，點知令V煞面更加凸出。
正面睇都好拮手。【無綫台慶】 朱古力香香 vs 雪奶何傲兒
2012-11-19 20:26:29今年人氣急升成為萬千宅男新寵嘅岑麗香，今晚以粉紅吊帶裙加一身tank look膚色，配襯甜美笑容，大方得體，繼續係迷惑宅男神暈顛倒首位，而同樣好pink嘅女神何傲兒就超低胸上陣，肌膚勝雪，同香香嘅陽光氣息剛好一黑一白，各有各鍾意啦。同樣係Pink上陣嘅，有莊思敏。佢都係騷胸，不過係膠嗰隻。
【無綫台慶】 借嘟嘟把口 TVB再阻城電發牌
2012-11-19 20:31:23
嘟嘟頭先o係台慶，將TVB今日登報o既再講一次。
今日45周年台慶嘅TVB，一早借機喺各大報刊登全版廣告，仲有中英名版本，表面似係表揚公司業務成就，但實際係表明立場唔想再節外生枝、唔想政府再發免費電視牌，表明立場「我們需要的，是一個可以讓免費電視行業生存和持續發展的穩定經營與服務環境。」
TVB為顧及冇留意廣告嘅觀眾，今晚喺《萬千星輝賀台慶》播放前，由嘟嘟鄭裕玲以聲音演繹將廣告內容再讀一次，實行不論平面定視聽介面都全面發功，暗阻維基嘅城電發牌。
【無綫台慶】驚似﹗ 孫耀威新歡舊愛 鬥Ｖ面
2012-11-19 20:42:28
唔講名，係咪分唔到？左邊係舊愛楊秀惠，右邊係新歡陳美詩。邊個V啲？
前講過孫耀威「連中兩元」。舊愛楊秀惠之前有排塊臉突然變到兩邊歪，連新歡陳美詩(Macy)都係咁，今晚台慶忽變V煞面，最嚇人仲係下午SET頭嗰陣塊面仲係好正常，冇V到。
口講冇用，睇相就知老孫新歡舊愛有幾相似…係V煞面點相似法。
【無綫台慶】TVB冇晒人 三線變一線
2012-11-19 21:12:03
左起﹕陳豪、Chok峯、黃宗澤同鍾嘉欣、陳敏之，已經係最紅。
無綫人材凋零，俾城電挖完一個又一個。今晚台慶更加顯真章，小生得黃宗澤、謝天華、郭晉安、鄭嘉穎同陳豪；花旦得鍾嘉欣、苟姑娘、香香、楊思琦等等。當然唔少人去咗法國拍《衝上雲霄2》 而缺席。但一睇大合照，年年被受忽視的一群都可以企到好前，蘇基古明華雖然仍然靠邊站，但唔使企最後一行；至於King Sir鍾景輝都獲安排企前面。好事定壞事？
鍾景輝、田蕊妮同黃智雯愈來愈吃重。
古明華(左一)仍然靠邊站，但已經企前咗好多行。想一提係徐子珊個look真係唔掂。
yeah﹗你認得幾多個小生花旦？
因為無綫已經冇歌手，惟有請嘉欣BB同陳展鵬唱歌仔。
六嬸已經退下火線，未知陳國強覺唔覺已經燒到埋身？
【無綫台慶】徐子珊凌空擘脾
2012-11-19 21:12:58
徐子珊表演訓練以o黎o既功力
TVB台慶，早前一班女藝員訓練高難度動作，朱晨麗更整傷o左。今晚表演《女神愛上網》佢照樣上陣，而徐子珊就係主角，單獨被吊，凌空做出多個高難度動作，擘脾一字馬冇難道。
不過表演略嫌燈光太暗，幾乎看不清女藝員個樣，而女藝員o既服裝好貼身，所以就算低胸，都冇走光。
黃智雯俯身都冇走光
朱晨麗照樣表演
苟姑娘
徐子珊做出多個高鞋度動作
網中人
讀者福利，o黎多張苟姑娘
香香都有份
【無綫台慶】陳豪祥仔 「重口味」反串待奉叻哥
2012-11-19 21:28:43
阿叻好好艷福囉!
《大太監》與《名媛望族》均是今年重頭台慶劇，今晚一眾男女演員實行反串飾演兩劇角式，來到演技加配音大比拼，先由薛家燕、商天娥、陳敏芝與田蕊妮上演富有味太監淨身故事，當田蕊妮作狀向家燕姐淨身時，突然在家燕姐下身取出香蕉狂切，田蕊妮又指住扮演公公的商天娥下身說：「167。」
男子組由陳百強帶領反串的陳豪、郭晉安、黎耀祥與謝天華演「重口味」埋身肉搏，打頭陣上場的陳豪被叻哥狂咬假咀唇，之後安仔、祥仔與天華相繼瘋擁而上，令叻哥極為辛苦。
大太監大玩有味笑話
叻哥咬住陳豪個假唇
郭晉安好似大解放咁
好狼呀!
齊人之福，真係唔係人人頂得順架
成班「姨太」咁冤氣，今晚會唔會發惡夢?
【無綫台慶】陳展鵬 「責」住露溝JJ
2012-11-19 21:26:00
JJ 好慘呀﹗俾陳展鵬坐住咗﹗
陳展鵬坐JJ？佢真係坐JJ呀﹗仲幾乎壓到JJ嘅咪咪添﹗
頭先無綫台慶遊戲節目，JJ賈曉晨同著超短裙嘅陳茵媺分別坐兩張大班椅上，再分別請一男藝人坐上去，然後向前「sir」出去。反串嘅陳豪坐正喺女友身上，四腿交疊，目的係防止女友走光。至於陳展鵬就不情不願咁俾人屈上「JJ電椅」。因為JJ係火紅超低胸上陣，令陳展鵬好尷尬，只敢坐喺扶手位置，但仍爭啲壓咗落去JJ個心口度，好牙煙呀﹗
陳茵媺俾男友陳豪咁樣「責」住，都好慘﹗林峯衰到係咁推推推﹗
隻手死攬實男友條腰，差啲啲就摸咗上對方個假大胸度喇﹗
JJ係咁喪避，唔佢有冇後悔著咗呢條低胸裙？
愈戰愈勇嘅田蕊妮。
美腿橫陳……
【無綫台慶】 志偉蹧躓陳豪 奶粉咖啡粉溝水 兜面潑﹗
2012-11-19 22:21:08
陳豪真係慘，靚仔變成咁!
志偉玩殘金剛後，接住陳茵媺陪住男友「陳豪BB」現身。志偉當然唔會放過呢個機會，實行大玩特玩，任何陳茵媺不停護駕，志偉仍然不停向陳豪塊臉撥奶粉、咖啡粉同水，情況慘不忍睹。
唔知陳茵媺係咪事前唔知情，所以一臉驚恐。見到志偉係咁將奶粉咖啡粉通通倒落陳豪臉，看得茵媺心痛之餘，想護駕又冇能為力，只能在旁傻笑大叫：「NoNoNo。」最後志偉更出動爽身粉，幸好陳茵媺機警，一把搶過來，令男友免受爽身粉折磨。
但志偉唔甘心，拎住生日蛋糕，將陳豪帶至梁乃鵬博士面前唱生日歌，再向陳豪掟蛋糕。今次陳豪醒目地避開，哄得梁乃鵬博士非常開心。
志偉一撥，你睇Aimee個樣幾驚!
搵食艱難呀!
【無綫台慶】林穎彤跳到斷帶 驚險﹗
2012-11-19 22:27:19
哎呀!
最近好得高登仔心嘅新人林穎彤(佢哋稱為大面Bella)，喺台慶都有份跳舞，不過佢件衫似唔多紮實，跳跳吓甩帶，好彩冇跌衫，如果唔係就好似當年Yumiko咁o架啦。不過高登仔都即時cap晒圖分享。
條帶係咪太幼呀?
咁就斷咗。
新人林穎彤跳跳吓斷帶，但佢仍然堅持繼續跳。
【無綫台慶】 羅蘭姐扮貓女
2012-11-19 22:32:41
左起﹕程可為、羅蘭、韓瑪莉
亞視玩重口味，無綫台慶都玩，仲請嚟羅蘭、韓瑪莉同程可為三位一齊扮貓女。三位都非常專業，扮嗰樣似嗰樣，不過就唔知無綫呢個環節其實想點。
韓瑪莉
程可為
羅蘭姐被抱起，顯得有點吃力。小心唔好整親羅蘭姐呀﹗
【無綫台慶】黎耀祥奪台慶百萬大獎
2012-11-19 22:36:55
由黎耀祥同梁嘉琪玩遊戲，爭奪一百萬大獎。
今晚無綫全台男女藝人分為龍、鳳隊，於各表演環節鬥一番拎大獎，最後由現場投票龍隊獲勝，由志偉代表接受錦旗。
而最後o既台慶百萬大獎，由黎耀祥同梁嘉琪玩遊戲，最後由祥仔勝出。
祥仔行運行到腳趾尾，視帝仲唔係你？
【無綫台慶】逐格睇 陳豪點樣避蛋糕
2012-11-19 22:58:22
Step1﹕帶陳豪見老闆
頭先講過志偉拎住生日蛋糕，將陳豪帶至梁乃鵬博士面前唱生日歌，再向陳豪掟蛋糕。好彩陳豪醒目避隨到。不過當時陳豪背住鏡頭，睇唔到佢點樣避。依家有得睇喇﹗
Step2﹕準備飛cake喇
Step3﹕The cake is flying﹗
Step4﹕仍然flying。陳豪著件咁嘅嘢，條腰同個頭仲郁到，勁﹗
Step5﹕成功避開﹗志偉仲懵盛盛「中」咗去後面。
陳豪避過志偉個蛋糕，開心到拍爛手掌﹗
【無綫台慶】小生齊反串 祥仔最誘人
2012-11-19 23:10:45
黃宗澤飛彈
今晚台慶節目其實都幾悶吓，主打都係靠一眾男藝人反串，而且戲份都係落喺陳豪同福祿壽身上。好彩仲有個黃宗澤同謝天華頂住，否則都會幾悶吓。
夾胸祥仔
肥美士啤軚…
林曉峰都露事業線…但冇嘢睇。
>
大波星人陳茵媺+咪神高海寧都唔及戴上黃色tube top嘅祥仔吸引。
嘩﹗高海寧真係俾祥仔條事業線嚇親架﹗