《萬千星輝賀台慶2013》花旦晒胸爭妍鬥麗

高Ling沈大師谷胸 夾擊香香

今晚網民就發起熄電視,罷睇無綫台慶節目,年年台慶女藝員都會著到鬼咁性感現身,今年受壓,一班女星更加唔敢怠慢啦。

一眾女藝人傍晚率先亮相,一向性感嘅高海寧唔使問,一樣都係性感登場,佢著上吊帶橙色晚裝,一齊見人嘅沈大師沈卓盈都唔弱,著上火紅晚裝晒胸之餘,仲晒埋長腿,險勝呀!至於同場嘅香香岑麗香雖然著上花花款色嘅露肩長裙,但事業線就欠奉,雖然青春,但「技」遜一籌喎!沈大師話因為件衫有啲鬆,而且有啲重量,所以緊身啲,安全感多啲。」又指男友睇過都贊靚,好fit,唔使加墊喇。佢笑笑話:「都ok嘅。」至於身上贊助鑽飾則是金至尊贊助,價值430萬,41卡。而高海寧一身鑽飾就係46卡,價值130萬。談到沈大師身材勁,佢就話冇信心做全場最性感一個喎。


最養眼係邊位?

點樣都有高ling份啦。

沈大師唯有加埋長腿反擊。

香香夠青春,但冇睇頭。


長腿沈大師

李亞男腋下現黑毛 一撮撮烏卒卒

今晚無綫台慶,又係群女晒胸嘅時間……個個花旦爭妍鬥麗,睇到人嘩嘩聲,不過相信王祖藍見到李亞男呢個look,都會O 晒嘴,皆因其腋下現出一撮撮黑色毛毛……一撮撮,唔係一條兩條喎。望落去,好污糟咁。但其實李亞男出席台慶咁大件事,冇可能唔剃毛,應該係佢件晚裝甩線,黐落咗去格甩底啩。

呂慧儀谷胸透視打扮 性感啜蠟燭

每年無綫台慶,啲女藝員都着到鬼火咁靚出席,今年都唔例外啦。

早前無綫節目巡禮胸壓全場嘅「長腳蟹」呂慧儀,今晚就以火紅色低胸透視高衩裙亮相,雖然望落佢有啲似酒樓知客,比上次打扮略為失手,好彩呂慧儀仍然努力谷胸﹑騷腿兼露玉背,「賣大包」亮相台慶﹗

至於葉翠翠亦繼續谷胸示人,不過佢隻玉手有啲疑似刮損傷痕,稍為礙眼。


呂慧儀繼續谷胸登場

胡杏兒都笑晒口喎…

杏兒同慧儀攬攬先。

一黑一紅,邊個靚啲?

葉翠翠都係例牌谷胸。

側邊睇又如何?

隻玉手有啲疑似刮損傷痕

姚子羚夾胸vs龔嘉欣長腿

今晚又係群胸亂舞時,但當然都係有胸先至拋啦,冇就拋第二樣。好似姚子羚就拋胸,龔嘉欣就露長腿,樂瞳就扮白雪公主sell可愛,各位觀眾各取所需吧。


龔嘉欣賣長腿


仲有大露背

樂瞳……

應屆港姐勁老氣 去錯懷舊金曲夜?

今屆TVB港姐嘅形象同觀眾緣,理應係近年難得公眾認得之餘,又有好感嘅一屆,好似半公投出嚟嘅陳凱琳,以及醒目嘅蔡思貝,都具可塑性,冠軍陳凱琳佢哋更加係未卸任已經可以做主持,足見受捧程度。

不過唔知點解,近期幾個TVB重頭活動,一班港姐都好似特登被安排著一啲「好唔搶」嘅服裝,好似上次節目巡禮,幾個港姐一身黑蚊蚊唔性感,似足「黑寡婦」。今日台慶,見到一班應屆港姐,以為去錯《懷舊金曲夜》,尤其蔡思貝一身肉色旗袍,其實係汪明荃阿姐著先啱Feel,「友誼小姐」歐陽巧瑩條裙穿裁古怪又老氣,劉佩玥的裙同樣一樣著得好臃腫。唯一係冠軍陳凱琳條裙總算高貴,仲谷到事業線,但同樣顏色都略嫌老氣。

而黃翠如近期都出出哋事,今晚就直頭「青BB」,著咗套青綠色嘅短裙,顏色同剪裁都似足一棵生菜….


翠如BB唔做「魚」,做「菜」。

真係好菜

陳凱琳,算好好啦….

比起佢哋三個

立即上《懷舊金曲夜》個台,都100% Match。

蔡思貝呢條裙真係….應該唔係佢自己揀o掛?

岑杏賢都性感

阿叻同老闆陳國強 攬晒合照

陳百祥阿叻盛傳因為多次發表挑釁言論,令網民不滿,「熄機」之聲不絕於耳,故無綫下令佢「收聲」,唔俾佢出席今早商台節目《在晴朗的一天出發》,留番聽日先至開咪。

之前多次話自己係TVB嘅人,所以一定撐TVB。今日見佢穿上大紅格仔西裝滿場飛,心情甚好,更同無綫主要股東殼王陳國強搭晒膊頭影相,毋須避嫌。另新成立嘅星夢娛樂眾歌手今晚挑大樑、取代英皇眾歌手地位擔任opening表演嘉賓,故老闆何哲圖亦滿場飛同無綫巨頭包括梁乃鵬、李寶安等social一番。


阿叻出名同老闆陳國強老友,故此今晚碰頭亦毋須避嫌。


細細粒個樣做乜咁0架?

方逸華、梁乃鵬、陳國強等與一眾應屆港姐。


星夢娛樂老闆何哲圖同梁乃鵬握手

李寶安與四太梁安琪

阿叻同余詠珊似乎冇乜兩句面左左。

咬住陳智燊唔放?朱千雪:未搵到一個我鍾意嘅男仔

今日TVB台慶,上屆港姐季軍朱千雪今日現身,都以Deep V性感裙上陣,今日就有報道話佢「咬住」陳智燊唔放,佢今日就回應:「其實好無奈,因為大家係好朋友,之前已經傳過,今次寫返同一樣嘢,同佢冇出街,拍旅遊特輯都係一班同事去食飯,冇單獨一齊,有啲event要一齊合作。」咁會唔會因此疏遠?佢話:「唔會刻意,係好嘅拍檔同朋友,我未搵到一個我鍾意嘅男仔。」


葉翠翠冇上次巡禮咁性感。


朱千雪近期都性感上陣喎。


張名雅

阿姐

蔣家旻

胡定欣

連詩雅

楊思琦