TVB藝人回應 阿佘陳豪信得過老闆做好本分

阿佘陳豪信得過老闆做好本分

無綫易主的消息落實後,電視城昨日風平浪靜,而旗下藝員對新老闆之一的陳國強入主表示有信心,至於之前有傳失落視后感心淡的佘詩曼(阿佘),昨日被本報獨家拍得往覆診,當問到無綫主權變動,她只謂藝員最緊要做好本分,而陳豪與阿佘亦口徑一致,相信新老闆不會重女輕男。

對於無綫易主,阿佘表示只求做好自己本分。 對於無綫易主,阿佘表示只求做好自己本分。

無綫當家花旦佘詩曼早前從內地返港時,因左手脫臼受傷,需要休息長達三個月,最後要辭演《法證先鋒III》,由張可頤頂上,無綫亦在此時宣布易主,認真巧合。昨日大約下午三時多,本報拍得左手打了石膏的阿佘,由經理人陪同下於北角寓所乘車往佐敦為手傷覆診。

阿佘由北角寓所乘車往佐敦為手傷覆診。
阿佘由北角寓所乘車往佐敦為手傷覆診。

唔擔心重女輕男

直至下午五時許,阿佘睇完醫生乘電梯離開診所,只見她精神尚算不錯,但行落樓梯時,就表現得非常小心翼翼,全程用右手扶實平衡身體,打上石膏的左手要用固定手套掛在頸上。當記者上前拍照時,阿佘初時有點抗拒,垂下頭向前行,當問到病情是否有好轉時,她亦大方回應說:「醫生話好啲。」談到無綫落實易主,她只謂:「做藝員最緊要做好自己本分,其他嘢唔需要去理,況且我依家受傷請緊假,現階段最希望快啲好番,隻手傷咗真係好唔方便。」問到新年有甚麼大計時,她也表示以休息為主。

另外,之前與阿佘傳過緋聞的無綫小生陳豪,昨日與鄭少秋、陳茵媺為新劇《心戰》在尖沙咀拍外景,談到新老闆陳國強入主無綫,陳豪與阿佘睇法亦差不多,他說:「做好本分,做好自己,拍好啲戲。」當然不擔心新老闆重女輕男,他續說:「初時有人話無綫易主,唔信,因為冇睇報紙,(識唔識陳生?)唔識,只係聽過個名,自己抱樂觀態度,所有嘢更加好,(會唔會要求加人工?)so far so good都開心滿意。」

阿佘小心翼翼扶住扶手落樓梯。
阿佘小心翼翼扶住扶手落樓梯。
覆診後,經理人與阿佘乘的士離開。
覆診後,經理人與阿佘乘的士離開。
陳豪(右起)、陳茵媺與秋官表示歡迎新老闆加入。
陳豪(右起)、陳茵媺與秋官表示歡迎新老闆加入。

秋官早已分身家

同場鄭少秋則表示:「朝起朝落,走嚟走去,我都係得閒返嚟拍下劇,我希望員工生活好啲,物價高漲,TVB賺多啲,員工士氣就好啲。」他亦有留意賭王近日分產新聞,覺得十隻手指有長短,有錢就有煩惱,都不知怎樣分配。問秋官可想似賭王有錢?他說:「想好似佢咁有錢,又怕麻煩,自己夠使就夠,生活過得去,食足三餐。(你有冇分定?)一早要安排,橫掂都冇乜。」

葉翠翠楊思琦股權變動工照開

無綫藝員葉翠翠與楊思琦昨午在灣仔街頭拍攝電視節目《香港有運行》,對公司賣股畀以「殼王」陳國強為首的財團,翠翠跟思琦齊聲表示相信沒有太大影響,思琦說:「我哋都係睇新聞先知,話公司高層都冇變動。」

葉翠翠自言係小角色,只做好分內事。

葉翠翠自言係小角色,只做好分內事。

翠翠直言她們只屬小角色,她笑說:「我哋做演員都係做番本分,冇乜影響,(對未來嘅信心呢?)唔想太多啦,做好自己嘢,最近好忙。」翠翠透露新年有幾日假期,之後就要接拍李添勝監製的新劇。

楊思琦表示睇新聞先知公司有新股東。

楊思琦表示睇新聞先知公司有新股東。

新舊老闆年初一拜年唔現身

以陳國強為首的財團入主無綫做新老闆,但在兔年的大年初一賀年節目,據知陳國強將外遊暫不會以新老闆身份現身派利是,而仍然是主席及副主席的邵逸夫和方逸華,亦不會出席,故撐場重任,將落在副行政主席梁乃鵬、集團總經理李寶安和總經理陳志雲身上。

邵逸夫去年亮相年初一賀年直播節目,羅家英、汪明荃與劉倩婷向他拜年。(資料圖片)

邵逸夫去年亮相年初一賀年直播節目,羅家英、汪明荃與劉倩婷向他拜年。(資料圖片)

無綫易主,兩台賀年節目紅星陣容亦逆轉,亞視因無綫與「四大」問題未解決而漁人得利,年三十晚的亞視春晚節目,將邀得溫拿樂隊、林子祥和謝安琪等演出,可謂星光熠熠,相反無綫方面只得鄭融、HotCha、吳若希、鄭欣宜和「巨星幫」的林欣彤等撐場,據知徐子珊、吳卓羲和黃宗澤等亦會演出。

另有消息指傳離開TVB的何麗全,眼見老友陳國強入主無綫而後悔離開,至截稿前未獲何氏回覆。新年冇大老闆撐場,但無綫喜迎新歲,製造了一批膠套利是封,以TVBUDDY作立體圖案吸引小朋友。

陳百祥老友入主冇露口風

陳百祥與陳國強交情甚篤,他笑言:「我都係今日睇報紙先知件事,(你同陳國強咁好朋友,佢之前冇露口風?)冇,希望公司會愈嚟愈好啦!(依家知道,會唔會打去同佢傾吓生意經?)唔需要,佢自己都咁叻,識o架啦!我做番藝員做嘅嘢,(會唔會好似黎耀祥咁想加人工?)我唔需要,我係無綫唯一一個十五年冇加人工嘅藝人,(點解?)因為人工最貴囉,不過,係何麗全講o架咋。」

陳百祥、陳國強

陳百祥、陳國強

而林峯則表示:「六叔同方小姐都係好老闆,陳生嘅加入,我都好有信心,希望佢製作更高質素嘅節目嚟回饋畀觀眾。」

眾藝員樂觀看未來

邵逸夫將一手湊大的無綫賣給「殼王」陳國強為首的財團,旗下藝員議論紛紛,但大都對未來審慎樂觀。

李亞男
李亞男

李亞男:未見過新老闆,有機會想見吓。(建議加人工?)唔需要反映啦,我係滿足嘅員工。希望公司繼續用個心去做節目,工作環境開心啲正面啲,做到大家庭咁。

洪天明
洪天明

洪天明:我識殼王,平時跟陳百祥出去間中會見到佢,(對新老闆感覺?)冇乜特別,每個員工都會做好,希望每個人都有機會,希望殼王可帶動香港娛樂事業。

徐子珊:對公司嘅股權變動唔係咁了解,最緊要係六叔、六嬸開心同身體健康,公司愈做愈好,我做藝員嘅,都係繼續做好本分,拍好劇畀觀眾睇。

鄭欣宜:我係飲無綫嘅奶大,無綫猶如我嘅母校,呢個消息好突然,只希望公司將來愈做愈好,我哋做藝人,最重要做好演藝工作。

徐子珊
徐子珊
鄭欣宜
鄭欣宜