林峯無奈封《星虧》視帝﹕多謝
2012-12-18 16:51:26

「8號仔」林峯噚晚喺無綫頒獎禮連輸「最佳男主角」和「我最喜愛的電視男角色」，全晚坐冷板櫈慘食白果。最慘fans以為偶像贏硬，帶定香檳慶祝。

之後林峯去咗灣仔，參與「8號女」徐子珊嘅慶功。問失去視帝寶座有冇失落？林峯話：「其實冇失落，不過令身邊朋友失望。」雖然輸咗無綫視帝，但峯峯喺本報舉辦嘅「萬千星虧頒獎禮」封視帝——最佳男主角(最虧男主角係王征)，林峯無奈笑謂：「多謝，自己好鍾意Happy sir(《雷霆掃毒》)呢個角色。」

對於輸俾祥仔，峯峯話：「自己平常心，祥仔（黎耀祥）係我尊重嘅前輩，遺憾未合作過。」

懷住平常心嘅林峯，頒獎禮後去咗灣仔，參與「8號女」徐子珊嘅慶功。

林峯失落視帝嘆失機謝家人
2012-12-18 (18:50)

林峯、徐子珊、黃智雯昨晚台慶頒獎禮後，相約樂易玲、梁家樹吃宵夜，林峯、徐子珊做東請客，無論賽果如何，飯局一早已約好，阿峰說：「無失落於獎項，少少失望是未能藉機會多謝投票的fans，那麼多年來，本來打算好認真多謝屋企人。」

胡杏兒得悉黃宗澤溝周麗淇好驚訝
[15:02] 2012/12/18

藝人胡杏兒雖然在今年的《萬千星輝頒獎禮》捧蛋，但依然開心出席慶功宴，自傳出與黃宗澤分手後，兩人在頒獎禮的紅地氈在前後腳相遇。問是否分手後首次同台？她想了很久答：「冇咩？我哋冇事，見到面都有打照呼，大家係同事，之前冇咁大場合，冇機會同台。」問傳黃宗澤追求周麗淇？她表現驚訝的說：「會咩？傳咋，揾嘢寫啫！」

梁烈唯馬桶上度謝詞有甩漏
[15:02] 2012/12/18

梁烈唯（唯唯）昨晚在《萬千星輝頒獎禮》得獎後與胡定欣、古明華出席慶功宴，胡杏兒雖然冇獎攞，但仍盛裝出席慶功及吻賀唯唯，黃日華夫婦更帶香檳到賀。唯唯拿著食肆老闆特別為他打造的一個獎，感謝他去年在化妝間的一番鼓勵說話，他又表示上馬桶時雖然已認真度過謝詞，但仍遺留了多謝苗僑偉、戚美珍及黃日華。

胡定欣連過三關忍住唔喊
[15:02] 2012/12/18

新鮮出爐「飛躍進步女藝員」胡定欣之前在新加坡及馬來西亞己得過獎，她表示連過三關好興奮：「睇番舊年得獎喜極而泣段片後，發覺喊到好醜樣，所以今次要靚，壓抑情緒忍住唔喊。」另外，她好開心黃智雯亦得獎，更興奮的是可以從好友手上接到獎座。

古明華獲無綫力邀續約
[15:05] 2012/12/18

古明華昨晚奪得「最佳男配角」獎後出席慶功宴，他表示心情仍未平伏，得獎一刻即時發短訊給正在外遊的妻女，女兒當時開心到喊，由於他演活「蘇基」一角，在海外受落，無綫視他為資產，力邀他續約和簽經理人合約，他說：「不存在交換條件，縱有閒言閒語，我唔會介意。」