徐子珊未諗得獎講辭
[18:40] 2012/12/16
藝人徐子珊現身荃灣為視后拉票，她說：「尋晚喺澳門做嘢好夜返，今朝一早開工拍戲，依家好眼瞓，但聽到Fans吶喊，即刻醒晒！（無綫厚待你，畀機會你造勢？）我咁啱得閒！電影又肯放我，我呢身造型都係戲服，其實我都想問點解得我孤伶伶一個女仔？我想多啲人，氣氛好啲！（贏硬視后？）唔係，仲有好多變數，我未諗講辭，贏輸都要搵嘢講o架！」
林峯有信心封帝：係時候要實質嘢
[18:40] 2012/12/16
林峯到荃灣出席《萬千星輝頒獎典禮2012》「壓軸全民投票大行動」，對於「最佳男主角」獎項，他滿有信心說：「我廿幾歲已經入圍呢個項目五強，依家都係時候有啲實質嘢！（有信心攞硬？）信心有！同事同fans亦都好支持，我都好滿意個作品，依家係good timing！」林峯更表示絕不放過任何一票，他說：「呢輪我見到人就拉票，之前見到陳奕迅媽咪，我話：『伯母，你好，我係八號林峯！』，伯母話：『乜林峯唔係你真名咩？』佢以為我個名係『八號林峯』！」
馬國明獲網友撐狙擊林峯
[18:40] 2012/12/16
藝人馬國明到荃灣為視帝選戰拉票，他說：「呢個活動係我最後拉票機會。（網友話撐你？）聽過吓，好似話咩『高登男神狙擊林峯』，公司搞投票都係想有noise，依家目的已達！」雖然現場林峯粉絲聲勢浩大，但馬國明說：「我以平常心面對，投票賽果難以預計。（公司好睇你，畀機會你拉票？）好多同事有工作在身，唔係厚待。」
林峯出口術﹕要有實際嘢揸手
視帝視后全民投票將於17號凌晨時份3點結束，無綫今日安排咗徐子珊、林峯同馬國明三位候選人到荃灣作最後一場拉票。
得公司安排拉票之餘，最遲到場嘅林峯，仲得到最多fans到場支持，佢哋仲整旗仔畀林峯喺現場派畀街坊，唔怪得連林峯都話：「公司當然幫我，公司個個藝人都幫，我由廿幾歲入圍五強到30幾歲，係時候有實際嘢拎喺手。」莫非之前《勁歌》嘅「亞太區最受歡迎男歌手」唔實際？
徐子珊係女主角8號候選人，林峯就係男主角戈號候選人，真係好鬼夾嘅啫﹗
「我係8號林峯﹗我唔係區議員嗰個林峯﹗」(設計對白)
幾多8號仔﹗
候選視后齊缺席 子珊歎孤單
無綫今日安排咗徐子珊、林峯同馬國明三位視帝視后候選人去荃灣作最後一場拉票。唯一有份獲邀拉票嘅女主角候選人徐子珊都覺得孤單咗啲，佢話應該係其他人有嘢忙(註﹕楊怡今日去咗出席聖誕活動搵真銀)，又話好努力同電影工作人員拉票，希望今晚早點收工，休息足夠聽日出席頒獎禮。
至於聲勢比較單薄嘅馬國明就以平常心看待，佢話可能賽果會爆冷，因為好多隱藏觀眾冇出面話要投畀邊位。樂觀係好事。俾心機呀一件頭﹗
馬國明個「一件頭」宣傳板太大，爭啲唔為意原來佢都喺度。
8號徐子珊，你個大聲公呢？聽日記住帶呀﹗