無綫近期綜藝節目收視不濟。除了之前《超級巨聲4》平均收視13點，現周日播的《明星愛廚房》同《Sunday靚聲王》平均收視同樣得20點，李思捷的《今晚睇李》平均收視17點，由非戲劇製作總監余詠珊主理的綜藝時段全線慘淡收場。

據知無綫極高層覺得太沒面，更現實是無法面對給錢的廣告客戶。有鑒於《飛虎II》於周日播放平均收視有22點，雖然收視比第一部差，但總好過綜藝節目，難怪高層決定播足7日劇。將劇集一星期播足7日，炒起綜藝節目，換言之，一直由余詠珊主理的周末、周日地盤，要讓位給戲劇製作總監曾勵珍。

《公公出宮》加5集

由6月開始，星期六、日晚的9:30時段將會播劇集，稍後《愛．回家》亦可能加入；而正拍攝中的《公公出宮》、《刀下留人》、《拆局專家》同《殭》都可能要改劇本加長集數。有份拍《公公出宮》的蕭正楠回應時話覺得演員好被動：「聽過有咁嘅事，暫時我哋會加多5集，變咗35集，唔知會唔會加8集！我覺得演員好被動嘅，如果真係提升到收視都好嘅！要大家支持囉！」問佢驚唔驚觀眾睇到厭，蕭正楠答：「盡做啫！」而已經拍完嘅例如陳展鵬的《張保仔》、陳豪的《鬼同你OT》等等，或者要重新剪輯。

《殭》加4集

女神謝安琪客串過《老表》之後，有份參與的新劇《殭》亦已決定加 4集。

《回家》未加

《愛．回家》已經播咗七百幾集，黎諾懿話暫時未收到通知。

新綜藝節目未見有宣傳計劃，反而唔少劇集已經拍完排緊隊出街，但無綫臨時變陣，本來橫跨4個禮拜嘅20集劇集，就可能要剪接到28集。

《張保仔》
又古裝奇幻又穿越時空，由陳展鵬、洪永城、陳凱琳主演嘅《張保仔》本來已定咗30集，要麼剪走兩集，要麼加多5集。

《梟雄》
原定30集，有外援黃秋生同湯鎮業，還有黎耀祥、胡杏兒，遠赴上海實景拍攝，但若果拖長集數搞到不倫不類，秋生分分鐘吵到去無綫。

《鬼同你OT》
陳豪、田蕊妮、胡定欣擔正嘅《鬼同你OT》原定20集，是鬼片又是喜劇，講胡定欣是隻鬼，田蕊妮被鬼上身陪陳豪返工。

《東坡家事》
《東坡家事》以詩人蘇軾生平為藍本，有歐陽震華同萬綺雯，原定30集。