黃宗澤(Bosco)、徐子珊同胡定欣等人，今日喺電視城為新劇《點金勝手》試造型，黃宗澤同徐子珊兩個傳過好多次緋聞，為免因合作而扯上關係，子珊笑言：「佢啲緋聞多到好似non-stop咁，版圖好似劏房一樣，我真係輸俾佢。我唔諗住參與，只係真係太迫，我支持唔住！」

子珊被笑曾經係劏房一份子，似乎好難劃清界線，佢就笑言：「我初初聽到黃宗澤，我即想走，但係個角色好吸引，好大發揮，講真嗰句，黃宗澤係一個好好嘅拍檔，觀眾又好受，希望可以有新嘅火花，但係緋聞一定謝絕，我好堅決，一定唔鍾意細佬。」原來今次劇情安排佢會扮同性戀戀上胡定欣，兩人更會有曖昧嘅激烈場面。

子珊同Bosco傳過好多次緋聞，不過兩個人似乎就冇乜避忌。

子珊今次係做同志！

梁政珏又嚟啦！

又有江美儀，又有黃智賢。

即場示範

傳與黃宗澤不和 胡定欣：我一定唔係佢選擇

黃宗澤(Bosco)、徐子珊同胡定欣等今日為新劇《點金勝手》試造型，子珊話Bosco緋聞版圖似足劏房，Bosco就咁樣回應:「佢係豪宅，女中筍盤，但係我哋嘅關係係好兄弟，好姊妹，只要大家手下留情，我就冇劏房。」

而Bosco之前同胡定欣就傳出不和，話Bosco想搵杏兒復合，點知俾杏兒好友胡定欣阻止，因此兩個人就不和。不過佢兩個喺新劇入面飾演夫婦，Bosco就話可以放心拍劇，事關佢哋一定唔會傳緋聞，咦，難道不和傳聞係真?

而胡定欣劇入面又會同演同性戀的子珊有親熱戲，定欣就話唔介意，佢話:「我唔會覺得尷尬，反而幾高興，徐子珊最出名係個嘴唇嘟嘟，都好想試吓，但係監製話呢啲題材都幾敏感，可能會改變喺意識上等觀眾知道點解會咁做。」

對於黃宗澤話同佢拍劇好安心，定欣就笑言：「佢肯定好安心喇，我一定唔係佢選擇之一，不過係好事，可以乖乖哋拍劇。」哇，兩個都封晒後門喎。

黑絲定欣

雖然傳不和，都會傾下偈。

鄭俊弘上緊位，有份出席試造型活動。

一個傳緋聞，一個傳不和，Bosco真係唔得閒。