真係眼光光，因為鍾志光真係好似星期一至日，由朝到晚都見到佢！

有資深電視迷喺星期日facebook專頁「足球說故事」上載咗一幅圖，寫住「呢期洲際國家盃爆紅嘅人唔係巴神，亦唔係尼馬，而係有『萬能鍾』之稱的鍾仔！」

呢張圖話佢「16場洲際國家盃賽事，他評述了14場…」又話佢上月23號凌晨講完世青盃場波，朝早再去報導「2013香港國際龍舟邀請賽」，夜晚繼續做《群雄論戰》，之後仲通宵講埋意大利對巴西嘅洲際盃分組賽…

未夠佩服佢？嗱，網民又話鍾志光喺2013年同月16號播出嘅《超級無敵獎門人終極篇》亮相；仲有0架，加埋同期星期一至五晚播出嘅《好心作怪》，飾演苗僑偉下屬，難怪網民話「幾乎由朝到晚都見到佢！」又笑指佢比一線小生出鏡率更高，讚佢敬業樂業添。網民都留言：「希望佢長做長有~~!!」

不過亦都有網民喺討論區開post，話希望佢注意身體健康喎，唉，一個人做4個人嘅嘢，真係要補補身，TVB，就俾鍾仔休息吓啦！

鍾仔日日都見到佢，真係唔使瞓咩？

網民嘅cap圖，可以話對鍾仔致敬。

網民大讚鍾仔敬業樂業。

小心身體呀！

鍾仔喺TVB真係一人做4個人嘅份。