TVB成立「愛回家」計劃 《東張西望》呼籲跳槽職藝員回巢

無綫電視(TVB)晚上7時半播出《東張西望》,呼籲已離職藝員回巢。

節目主持人表示「歡迎回到這個大家庭」,又在節目中播出聯絡電話,呼籲舊職員查詢。節目又播出多名藝員的訪問,各人均呼籲已離開TVB的藝員回歸,部分TVB藝員以「有盆菜食」及「地球是圓的」鼓勵舊同事回巢。

薛家燕:「歡迎你哋返嚟,我哋一齊開工啦,仲有盆菜食添。」
鄭丹瑞:「大家一齊返嚟玩,啱唔啱呀?」
王浩信:「如果你有經驗,返嚟啦。」
伍詠薇:「希望你哋可以盡快返嚟,因為我都好想同好多唔同嘅同事合作。」
陳豪:「有一個途徑可以俾佢哋重新投入工作。」
《愛‧回家》演員:「能夠返嚟同我哋再見面,大門係常開嘅,張開雙手,歡迎你哋返嚟!」

TVB《東張西望》呼籲跳槽員工愛回家

藝人雀躍

對於這個「愛回家」計劃,無綫企業傳訊部副總監曾醒明昨日表示:「最主要係吸納番啲人才,只要對電視行業有熱誠嘅,無論喺TVB做過同未做過嘅都同樣歡迎,但會優先處理舊同事個案,其他會按需要再作決定。」

而曾効力無綫的藝員紛表雀躍,包括早前被「欽點回巢」的駱應鈞,他接受電話訪問時坦言:「點都係好事,不過我同王維基方面仲有年幾合約,可能要等件事再明朗化啲,我先可以決定到自己嘅去向。」至於80年代加盟無綫、先後兩度離巢的林嘉華亦稱:「上兩次返無綫都係幫手做救兵,再返去就第三次喎!佢哋今次嘅決定當然係件好事,我依家返唔返去都仲未知,但對於有誠意嘅機構,當然唔排除合作嘅機會,不過一切當然要以劇本行先。」身為王維基同窗的艾威一直被指身份敏感,不過談到無綫伸出善意之手,他似乎亦相當受落:「點都係好事。(唔驚尷尬咩?)雖然我同王維基係同學,但都要簽合約o架,我同佢嘅合約到明年3、4月,當然想繼續喺演藝事業發展啦,講真,我同無綫好多高層都有保持聯絡,前晚仲喺公眾場合撞到樂小姐(樂易玲),大家都有打招呼。(佢同你提回巢?)咁又冇,太多人唔方面嘛。」至於與香港電視仍有八個月合約的綠葉藝人張松枝,對該計劃大表支持:「呢個做法會令我哋舒服啲。」不過他表示為尊重現有合約,暫不會想是否重投無綫,又指收入暫不成問題:「我啲糧仲係照出。」昨日在微博透露巧遇發哥的他又補充謂:「發哥有問我依家搞成點,話唔得嘅唔緊要,可以返大陸。」而張可頤直言嚮往自由身的生活,短期內都不會返無綫,並澄清自己財政無問題。

無綫「愛回家」熱線電話:

藝員科專線(藝員專用):51951970或51951978
傳真:23357363

人事科專線(幕後人員專用):23352371
傳真:23352299

東張西望視頻