馬國明玩拉枱布 意外飛叉 險刮花33萬房車

《萬千星輝賀台慶》將於後晚假電視城舉行，最近無綫受到不少是非纏繞，網民更發起熄電視行動。無綫為抗衡，近日採取密集式宣傳，今日找來花旦胡杏兒、小生馬國明、蕭正楠、陳展鵬等進行「獎品大晒冷」活動，又玩「拉枱布」遊戲送獎品，由張秀文贏得信用卡免找數簽賬額港幣一萬大元。張秀文話：「一萬蚊用嚟請朋友食飯，冬天打邊爐好。」佢又話自己冇乜中獎命，只係小學六年班嗰陣聖誕節抽到隻。台慶夜佢會表演花式足球:「練得好辛苦，練到瘀晒，希望大家支持睇。」

最搞笑仲係，馬國明同杏兒玩拉枱布嗰陣，嗰個價值33萬嘅歐洲房車就泊咗喺旁邊做道具，馬明拉枱布嗰陣，成隻叉飛去咗落架車度………嘩嘩嘩嘩!!!!好彩冇花到咋!

好喇，咁究竟今年台慶TVB fun競猜遊戲有乜嘢獎金同獎品呢？又要講一次…

名貴歐洲房車一部 價值 $333,000
18K白金鑽石首飾 總值港幣$250,000
智能手機及GoTV 10年免費服務 總值港幣$111,500
信用卡免找數簽賬額 港幣$100,000

至於「台慶密碼」鉅獎遊戲，獎金及獎品總值港幣$500,000，當中包括現金獎港幣$100,000。

馬明本來係玩拉枱布，結果變成飛叉…仲爭啲劃花架33萬房車，工作人員見到都O晒嘴(圓圖)。

胡杏兒先出馬拉枱布

到馬明喇…

成隻杯飛起咗

PK賽

成…成…成隻叉飛落架車度!!

無綫職員馬上「驗傷」，幸好冇事。

係咪好似滑嘟嘟呢？

杏兒對呢個慶獎品最感興趣。

仲有…

仲有…

仲有…

同埋珠寶