颱風天兔襲港 TVB收視勁升15點

噚日天兔襲港,市民局住喺屋企冇得出街,連帶TVB收視都高開。

噚晚TVB由6點半新聞開始,己經收28點,比上星期升15點,而《May姐有請》同樣勁升15點,有32點收視。

而噚晚一集《超級無敵獎門人終極篇》,有馬蹄露扮黑絲女僕,同樣升15點,收36點,收視應該係近年最高一集,而《情逆三世緣》大結局,同樣收36點,最高37點,睇嚟好多市民都係由7點開始打開電視長開到11點鐘,之後《星夢傳奇》收23點,升幅只有3點,觀眾應該開始上床瞓覺。

而亞視則多個節目持續1點收視,只有7點鐘嘅《風雲大事一百年》及《今日iCity》有2點收視,6點半新聞則有6點收視。

【天兔襲港】最大得益TVB《獎門人》勁升15點 《情逆》收36點
颱風天,個個喺屋企睇電視,TVB收視當然勁升!

《情逆》上周結局篇,周一至周五平均收視只有24點,周四晚中秋節流失觀眾,拉低收視,平均只有19點,最低17點。周六播映第30集,平均收視24點,直到周日大結局終於吐氣揚眉,平均36點高收視,劇集尾聲9時26分更獲最高37點收視,全劇平均收視27點。《神鎗狙擊》第二周收視下跌,平均24點,下跌1點。