今日係七夕，農曆情人節，吳建豪同新加坡豪門千金女友Arissa(藝名姚之寧，本名石貞善)方才都宣佈:

「吳建豪Van Ness Wu與石貞善Arissa Cheo已於2013年8月9日按新加坡法律提出結婚申請，兩人希望把幸福分享給所有的朋友們，也盼各界給予祝福。」恭喜恭喜!!

兩人拍拖以來，一直感情穩定，不過因為女方是豪門千金，而且緋聞多多，又喜愛夜蒲，故外間一直唔多睇好，但兩人無視世俗目光，恩愛如昔，就連吳建豪新專輯中有首《小婚禮》，都係為女友而作，甜蜜滿瀉!

Arissa來自新加坡，曾於台灣發展，但星路一般，直至認識吳建豪，戀情曝光，人氣亦因此大增。06年，Arissa同吳建豪拍拖未幾，因女方要赴美求學，無奈分手；復合後，待2010年，兩人戀情再次曝光，之後多次傳出婚訊。由於吳建豪係虔誠基督徒，佢亦多次表示，要上帝守貞，不會發生婚前性行為，一定要等到婚後先至才會「開機」。依家入咗紙結婚，「嗰日」應該不遠喇!