王浩信:越鬧越開心

八年前以歌手身份入行的王浩信,近年棄歌從視,發展更理想,繼去年在劇集被劉松仁怒摑13巴出位後,他近日又在新劇被謝雪心打足臉頰及身體共36下,因而獲封「兜巴信」!難得王浩信不介意受皮肉之痛,只要觀眾睇得過癮已值得,越鬧越開心。為演好《法》劇吸毒二世祖,他還向癮君子取經。

王浩信
■入行八年的王浩信,最近憑奸角爆出,上位在望。
攝影:陳俊強

王浩信
《法外風雲》
■王浩信先後於劇中遭劉松仁及謝雪心狂摑。
電視圖片

王浩信繼去年在無綫劇集《名媛望族》中被飾演嚴父的劉松仁怒摑13巴,日前在《法外風雲》中再被扮母親的謝雪心掌摑23巴及身上抽打13下,馬上被封「兜巴信」,莫非王浩信當真抵打?他日前接受本報專訪時笑騎騎說:「兩個角色都抵打,尤其《法》劇嘅宋家耀,阿媽好縱佢,佢唔生性去吸毒,阿媽心痛先摑佢。」

王浩信
《名媛望族》
電視圖片

入戲患抑鬱

王浩信接二連三演二世祖,演得一次比一次到肉衰格,他坦言曾擔心被定型:「今次監製極力游說我,佢話個角色好立體,我睇過劇本都有發揮,劇情交代我自甘墮落,我第一次扮癮君子。」王浩信為演好毒癮發作這場戲,特別向一位已戒掉毒癮成為義工的朋友取經,他說:「我問咗朋友吊癮時係點,口水鼻涕係點流,了解晒成個過程,會幫我消化到角色,演時就容易投入。」王浩信被謝雪心兜巴星23巴,巴巴有力,他有苦自己知:「呢場戲拍咗三次,每take都有火,但心姐頭兩次打落去未夠狠,導演同我都唔收貨,因為打得唔夠大力,觀眾睇出嚟會好假,我索性叫心姐唔好錫住我。」

《法》劇拍了三個月,王浩信鏡頭前進入吸毒狀態後,鏡頭後卻抽不了身,他說:「試過凌晨收工,眼光光瞓唔着,成日維持住負面情緒,又出現呼吸困難同心跳情況,周身唔妥。」太太陳自瑤見狀就勸王浩信看醫生,他說:「一睇發現係輕度抑鬱,食咗一個月藥,配合做運動舒緩,慢慢就好番晒。」王浩信表示這次為角色犧牲大,當然也想得到回報,他說:「即使出街俾觀眾鬧,我只會越鬧越開心。」

王浩信
■王浩信不介意被觀眾鬧,只望努力得到認同。

講明恨攞獎

遭觀眾鬧爆之餘,王浩信期待憑《法》劇在無綫台慶頒獎禮奪獎平衡一下,他說:「我等咗四年,年年都話有信心,最終都落敗,今年平常心,但邊個唔想有個獎鼓勵吓,我話唔想攞,個遊戲都唔好玩啦。」

開心果囡囡表演慾強

王浩信
■早前為了投入角色,王浩信一度患抑鬱。

王浩信一家三口樂也融融。
■王浩信一家三口樂也融融。
資料圖片

王浩信與老婆陳自瑤剛慶祝結婚兩周年,二人育有1歲多的囡囡靖喬,三口之家有意再添新成員,王浩信說:「我哋努力緊,睇吓係咪生到馬仔。」他大讚囡囡是開心果,並說:「佢好嗲,但又好定性,好識