楊秀惠患病建真情

新歡篇:「佢令我身心健康」很多人說戀愛中的女人最靚,楊秀惠最近被踢爆與金融才俊Ray拍拖,雖然相戀僅1個月,但愛得如膠似漆,伊人無時無刻都將男友掛在口邊,問到拍拖是否很開心?她露出一副甜到漏的樣子,笑到幾乎收不到聲:「哈哈哈哈!OK啦!」她直言深被男友疼錫,在患病期間獲對方悉心照料,終於打動芳心:「之前同馬國男朋友分手,返到香港仲好Sad(傷心),不過佢(Ray)好關心我!知我病咗,竟然喺半個鐘內親自煮餸兼送到去我屋企,冬菇、菜同魚嚟到仲係熱嘅,非常好味,連我阿媽都讚佢犀利,我當然好感動!」拍拖後,Ray除照顧她的起居飲食外,還為她做心靈輔導:「我份人好情緒化,平時做嘢壓力大,不過面對人嘅時候唔鍾意表露唔開心一面,但佢會察覺到,盡力同我分憂,令我身心健康!」
人說戀愛中的女人最美麗,楊秀惠不是最好人辦嗎?
人說戀愛中的女人最美麗,楊秀惠不是最好人辦嗎?

楊秀惠最近被拍得與金融才俊Ray行街,戀情曝光。
楊秀惠最近被拍得與金融才俊Ray行街,戀情曝光。

秀惠幸福滿瀉,問到何時嫁入豪門?她即耍手說:「唔好咁講,佢好Down To Earth(踏實)!我哋啱啱拍拖,我亦唔係雜誌寫嗰啲女仔,唔需要用錢去衡量一個人!如果同一個好有錢嘅人一齊,但唔開心,我寧願唔要!總之夠使夠食,想去旅行就去旅行,唔使為生活而擔心就OK!」她坦言18歲來港發展時,銀行戶口零存款:「我帶住幾千蚊由馬來西亞嚟香港,香港銀行戶口係由零開始,之後從來冇問屋企人攞過錢!做藝人表面可能好風光,因為衫、化妝甚至首飾都有贊助,我知道搵錢好辛苦,所以我從來都唔大使!」秀惠個性率直、真我,難怪連男友屋企人都很接受她:「佢屋企人好Welcome我,大家會一齊食飯,Ray嘅廚藝咁好,都係跟佢媽咪學,我當然唔敢獻醜啦!」
楊秀惠曾以超性感Look拍廣告,令人眼前一亮!
楊秀惠曾以超性感Look拍廣告,令人眼前一亮!

楊秀惠(中)當年憑「四葉女」出位,令人津津樂道。
楊秀惠(中)當年憑「四葉女」出位,令人津津樂道。

楊秀惠認為親人的支持最重要,令她有力走下去。
楊秀惠認為親人的支持最重要,令她有力走下去。

舊愛篇:「再見亦是朋友」過去藝人拍拖都要收收埋埋,但近年無綫採取較寬鬆態度,造就陳法拉、曹敏莉及徐淑敏等公開談情,秀惠認為是好事:「依家呢個社會,個個女仔都爭住拍拖,我覺得好正常,大大方方談戀愛,令成個娛樂圈都健康啲!(無綫有冇詐型?)冇!佢哋仲話靚女梗係會拍拖啦!總之唔影響工作就得!其實藝人只係一份工,我哋都要過正常人生活,男朋友都話唔鍾意我化妝,拍拖時要我做番個普通女仔!」

入行7年,秀惠坦言拍過幾次拖,但從未試過如此公開談論一段感情,當中與孫耀威(Eric)的地下情更是不歡而散,有傳她因不忿Eric公然溝女,令她哭崩人前,難得她至今仍力撐舊愛,並煞有介事地說:「我唔想影響人哋!始終大家屬唔同公司,知佢依家搵到另一半(陳美詩)都戥佢開心,祝佢哋幸福快樂!(仲有冇聯絡?)大家各有各忙,好少聯絡!」

秀惠一向予人戀愛大過天,而且非常「黐身」,她揚言要為自己平反:「我唔係淨係識拍拖,反而以前有男友投訴過我,只係掛住做嘢唔理佢!」早前與秀惠分手的馬來西亞男朋友,亦因她要兼顧香港工作才分手:「Timing唔啱囉!因為做嘢好忙,大家溝通唔夠,分咗手都覺得好可惜!希望佢喺馬來西亞搵到適合嘅女仔,可以多啲時間陪佢,不過我哋分手亦是朋友!」

事業篇:「好想搵到目標」熱情、率直的性格,令秀惠的愛情故事變得精彩,相對而言,事業顯得暗淡失色,她坦言曾為自己前途反思:「去年台慶之後,我返咗去馬來西亞住3個月,想沉澱自己,因為做得太耐,有啲事睇得唔夠清楚,好想搵到一個目標!(想向視后進發?)唔一定要為一個獎,不過希望自己做得一次比一次好!」

秀惠直言媽咪是她最大的支持:「其實我好黐媽咪,不過呢7年好少返家鄉,只係每年返一、兩次,而媽咪更加好少過嚟香港探我,所以今次返到去就嗲媽咪,要佢每隔幾個月就飛嚟陪我!」楊媽媽亦最明白她的個性,從來沒有給予壓力:「咁多年嚟傳過好多緋聞,好似畀雜誌影到我同個外國人一齊,其實對方係爹哋生意上嘅朋友,另一個就係我契哥……媽咪知我性格男仔頭,每次見到呢啲無聊報道都唔會追問,反而令我覺得好Warm!」一個女仔離鄉別井,楊媽媽怎會不擔心!幸現在有Ray在旁照顧,令楊媽媽放下心頭大石。

後記:男友陪運動楊秀惠樣靚身材正,除有愛情滋潤外,自己都要落一番工夫,她自爆最基本是做運動Keep Fit:「我平時唔偷懶,每周至少做3次運動,仲要搵埋男朋友陪我一齊做,健康都要兩份!」
楊秀惠性格熱情,加上迷人外表,自然桃花不斷!
楊秀惠性格熱情,加上迷人外表,自然桃花不斷!

小花旺桃花

無綫小花楊秀惠經常以性感打扮示人,加上性格熱情,吸引不少裙下之臣,成為緋聞之花!

梁烈唯
梁烈唯

孫耀威:07年,二人因拍MV而撻着,惟拍拖1年後,有傳孫耀威在派對中公然攬女,令秀惠激動喪喊,分手收場!

錢國偉:參演劇集《四葉草》時與監製錢國偉傳出緋聞,早前錢國偉捲入涉貪案,秀惠即封嘴不欲多談。

梁烈唯:與無綫男藝員梁烈唯因拍劇而傳出戀情,二人更因劇中一場接吻戲,令傳聞更加似層層!

蘇晉霆:自與孫耀威甩拖後,秀惠常被拍到與猛男及老外夜蒲,去年她被指與無綫有米主持蘇晉霆交往。
孫耀威
孫耀威