《星夢傳奇》首播 張名雅唱完即哭 羅鈞滿得分低

張名雅K歌技巧 唱完即哭:好感動!

張名雅係港姐冠軍,但原來佢醉心唱歌。真係今晚先知。

無綫今晚首播嘅《星夢傳奇》,既似《超級巨聲》,又似《中國最強音》之類,請來葉蒨文、周啟生、Eric Kwok同巫啟賢做評審,但係參賽者,都係無綫藝人。真係唔講唔知,一睇條片先至知,原來個個參賽藝人都咁鍾意音樂同唱歌,個個自我介紹時,都講到音樂同自己嘅關係時,就如水之於魚一樣。但一唱,都「技驚四座」。

演員就係演員,藝人就係藝人,歌手就係歌手。呢個節目最尷尬嘅就係,迫藝人做演員的同時做埋歌手,港姐冠軍張名雅係藝人,但無綫要佢做埋歌手;黃智雯備受力捧,演技尚待磨練更上層樓,但無綫要佢唱歌。結果喺今晚播出嘅一集《星夢傳奇》,兩人以唱卡拉OK嘅技巧比賽,張名雅唱《華麗邂逅》,得分尾二;黃智雯唱《愛是最大權利》,得分包尾。

張名雅唱《華麗邂逅》,唱功實在只係K房程度,聲底幾好,唱到副歌高音位時力保不失,但明顯聽得出「就住」咁唱。一唱完,評判都未講評語,張名雅已經係咁流淚,佢話:「有啲感動……。感動嘅係,我平時唱歌,真係好注重技巧,因為成日都想進步多啲,所以都有搵老師執吓有啲位可以唱得好啲。同埋live band,好細個試個一次,今次又有live band,真係有啲緊張。」

至於幾位評判評價,俾70分嘅巫啟賢話:「你係唱得幾盡情,記住呢八個字:『心中有歌,目中無人』。」葉蒨文都俾70分,話張名雅把聲幾有力,但鼻音重,應多練丹田氣將把聲推上去。至於Eric Kwok,咁啱,《華麗邂逅》一曲,係佢作0架,今次佢都只係俾68分:「因為呢首歌係我作嘅,咁兼且…冇辦法,呢首歌好難唱。你應該一開頭入輕啲,先可以表現到後面嘅強勁。」最後只得分146.7,排尾二。

張名雅係港姐冠軍
張名雅係港姐冠軍,但原來佢醉心唱歌。真係今晚先知。


選唱祖兒嘅《華麗邂逅》


巫啟賢

張名雅父母
張名雅父母


一唱完自己就喊


原來佢係俾自己感動


睇吓巫啟賢嘅表情…


Eric Kwok只俾68分,係眾評判中最低。呢首歌,係佢作0架。

無綫捧藝人做歌手 羅鈞滿得分低

無綫近排真係好多騷,係好多真人騷,有個平民版嘅《求愛大作戰》,仲有個高階版,呀,係藝員版嘅《星夢傳奇》,用比賽,用唱歌,加埋有現成藝員,一個節目要嘅元素,有晒!睇下睇下,仲好似睇緊有章子怡做評判嘅《中國最強音》咁呀…

《星夢傳奇》今晚第一集終於出街,參加比賽嘅藝人,包括羅鈞滿、梁烈唯、黃智雯、袁偉豪、張名雅、鄭俊弘、張景淳等等。

其他人唔講,先講羅鈞滿,佢set靚個頭,著上黑色blazer,揀咗由張學友同陳奕迅唱嘅《天下太平》,嘩,好高難度喎。

(音樂響起…)

「也最多…跌入旋渦…」

好,唱完,俾分,作為評判,Eric Kwok、周啟生同葉倩文都俾足面俾80分或以上,而出手俾分好嚴嘅巫啟賢老師,只係俾羅鈞滿63分,仲話佢音準有問題,不過羅鈞滿只係答:「知道,Thank you」…

其實,節目入面不停要參賽藝員講感受,一啲又喊晒,一啲又話對音樂好有夢想,咦,咁點解佢哋個個做晒演員嘅?唔止,又成日借啲宜講吓佢哋喺拍劇時點樣抽時間去參加呢個比賽,嘩,《星夢傳奇》真係咁吸引一眾演員?

羅鈞滿
呢個分,對音樂好有夢想嘅羅鈞滿會點諗?

羅鈞滿

羅鈞滿
羅鈞滿已經好用心唱…


不過…Eric係咪聽到呆咗?


繼續唱!


目無表情的巫老師…


Sally不經意地皺起眉來…


63分…


噢…


節目中嘅花絮,似係幫藝員倏宣傳多啲…