今晚《星夢傳奇》誕生四強，向高難度挑戰獻唱《木紋》嘅羅鈞滿表現失準，第二句已經唱錯歌詞，而且明顯給其餘四位參賽者比下去。最後終於以最低分出局，入圍不久的鄭世豪就成功殺入四強。評審巫啟賢宣佈最後邊個入圍，當時只餘下鄭世豪同羅鈞滿，宣佈一刻話:「係羅鈞滿…身邊嗰個…」分明整蠱喎。

鄭世豪成功殺入總決賽，後來居上，宣佈一刻泣不成聲。羅鈞滿就好硬淨，話:「好開心可以嚟到呢集，呢條路唔易行。每一集我都希望可以吸取教訓及經驗，為咗我將來嘅路。我唔會放棄唱歌，我真係好鍾意唱歌，以前我唔敢講…我真係好鍾意唱歌。」佢又話好感謝每個曾鼓勵佢同讚佢嘅陌生人，亦特別多謝家人一直支持。未知女友張文采今晚有冇到場支持呢？

最後無綫仲安排出局嘅羅鈞滿solo再唱一曲，佢選唱咗張學友嘅《寂寂寞的男人》，歌路完全開正佢嗰瓣，唱得好過《木紋》多多聲。如果唔係揀錯歌，結局會否不一樣？

《星夢傳奇》四強：陳明恩、姚兵、鄭俊弘、鄭世豪

鄭世豪同羅鈞滿