《星夢傳奇》雖然大收旺場，無綫決定添食，但稍後仍要讓路給另一大型項目《香港小姐競選》，需暫停三星期。監製麥鎮東透露，稍後將會製作兩集《星夢》特輯，由藝員競逐的賽制改為「星夢團隊」大戰「巨聲幫」，無綫藝員與超級巨聲將一決高下。

張景淳組新組合 《星夢》鬥巨聲幫

「少年家明」張景淳同落選港姐陳華鑫今日以cosplay造型，喺灣仔為動漫節記者會任主持，扮仙子嘅陳華鑫介紹節目時，竟然講到口窒窒，要張景淳為佢補鑊，事後佢解釋：「好緊張，動畫名同卡通名好難記，都唔同細個嗰啲。」講到把聲猶如卡通聲，陳華鑫笑言：「如果係就好，同造型好貼切。」佢透露現時有拍拖，男友都有見過呢個仙子造型：「佢都唔會介意我為工作性感。」

張景淳喺《星夢傳奇》入面被叮走，佢就話今個星期錄影嘅一集，佢會同林子博組織新組合，合唱同巨聲組對戰：「面對巨聲幫真係有壓力，但首先我要做到唔好失禮，依家仲揀緊歌。」

張景淳個look同之前宣傳動漫節係一樣，普通人都認唔到。