《星夢傳奇》噚日喺將軍澳電視廣播城錄影，最後五強喺八號颱風天兔襲港下誕生，陳明恩以第一名晉級，之後依次為鄭世豪、羅鈞滿、鄭俊弘及姚兵，至於葉暐同新挑戰者陳倩揚落敗。

羅鈞滿患上咽喉炎仍堅持比賽，佢話食粥都好辛苦﹕「好似割肉一樣，痛到腳仔軟，原本醫生有病假紙放到今日（昨日），再食唔到嘢就要吊鹽水，好彩0依家好好多。」不過佢亦選擇了較容易唱的歌曲﹕「係劉德華嘅《如果我有事》，今日嘅評判同第一集一樣，如果死番(輸掉)佢哋手上都ok。」幸好最終仍能順利過關。

據悉《星夢》將會喺10月12日進行現場直播嘅淘汰賽，其中一位被foul後，最後四強會參加10月13日擧行嘅決賽，由全民一人一票選出冠軍。

陳倩揚選唱鄭秀文嘅《默契》，佢話係同老公嘅愛情故事，可惜颱風關係，令老公同囝囝唔可以嚟打氣。

倩揚賽前被問有冇信心入圍，因為連歌手周子揚都被foul，佢話﹕「知道戰況好激烈，但唔想有太多比較，只想大家感染到首歌嘅情懐。」

《星夢傳奇》最後五強噚日終於誕生，葉暐（左一）及陳倩揚（中）被淘汰。

高分王鄭俊弘成功打入五強。

羅鈞滿患上咽喉炎仍堅持比賽。

好彩最後都過到關。

陳倩揚選了鄭秀文嘅《默契》，可惜最後挑戰失敗。