今日傳出前無綫藝人王敏明健康情況惡化，在傍晚6點半在醫院逝世，王敏明亦是無綫藝員王維德的姐姐。

據知王敏明09年3月証實患上第4期淋巴癌，其信奉基督教的姐姐為她祈禱，其後王敏明亦應姐姐邀請上教會，聽見証，最後皈依基督教。2010年尾癌症再度復發，經過多年的治療，在王敏明的Facebook上，友人於3月恭喜她出院，想不到不夠一個月她就離世。

致電王維德，他表示王敏明下午6時多在法國醫院逝世，他說：「之前都係淋巴癌，係今年初發現第3次復發，去年已經打勝一次仗，但年頭因為肺炎，再check就發現復發，始終食藥會影響其他嘢，病情好反覆，屋企人都冇諗過咁突然，佢早兩日仲飲到湯，情況ok，今日好突然。」王維德又表示：「屋企人到齊晒醫院陪住佢走，一直以嚟，佢未見屋企人都死撐到o依家，見到先放鬆離開，好似瞓覺，因為身體跌得好緊要，白血球指數好差，冇打仗能力。」

問到他與家姐的感情，他說：「咁當然係好傷心，因為同家姐興趣相近，一齊讀訓練班學跳舞，傷心一定有，但係自己都係基督徒，都有學習面對放鬆自己，如果唔係都唔知點面對，o依家屋企人處理緊身後事。」

王敏明80年代和王綺琴、劉碧儀等女藝員在無綫備受力捧，王敏明起初在無綫擔任舞蹈員，曾演出不少知名MV，如張國榮的《Monica》和譚詠麟的《愛情陷阱》、《愛的根源》等，85年調往戲劇組，拍過《鼓舞》及《絕代雙驕》等劇集，是當時受力捧的「銀河七星」之後，其後與另一位「銀河七星」區偉麟結婚，93年退出娛樂圈及移民美國。

王敏明生前與丈夫區偉麟相當恩愛。（facebook圖片）

王敏明在FB不時講述病情

3月時王敏明曾經出院