撞樣家族接李亞男入門 王祖藍餅印妹變靚迎賓

「長短腳之戀」終於開花結果, 2月 14日情人節,王祖藍同李亞男在教堂行禮,李亞男正式入門。祖藍闔家總動員出力撐喜事,同祖藍似足餅印嘅妹妹仲特登執靚個樣,原本四眼「 Handelababy」 look唔見咗,樣靚心情好,仲出盡力幫阿哥同阿嫂招呼迎賓添!

王氏出品 撞樣家族接李亞男入門 王祖藍餅印妹靚晒迎賓
教堂行完禮,祖藍同李亞男就到迪士尼化身王子同公主進行切餅儀式,夜晚就擺足 55圍好友歡聚。

王祖藍母親
王祖藍一家人嘅樣個個似到十足,同媽咪相似度更達 99%,祖藍行完禮將張相放上微博,特登圈埋兩母子個餅印樣,成功呃到 6千個 like!

王祖藍媽媽與王祖藍妹妹
祖藍婚禮,細妹幫手打點,仲執番靚個樣,唔帶眼鏡,又染埋個紅啡頭,個樣省鏡好多。

王祖藍、媽咪同細妹,三個人一個樣,仲有傳祖藍當時扮「 Handelababy」扮到咁維妙維肖,背後全靠有細妹呢支盲公竹咋!
王祖藍、媽咪同細妹,三個人一個樣,仲有傳祖藍當時扮「 Handelababy」扮到咁維妙維肖,背後全靠有細妹呢支盲公竹咋!
網上圖片

王氏出品 撞樣家族接李亞男入門 王祖藍餅印妹靚晒迎賓
四眼娘 look
祖藍一直以來都好少提及細妹,不過細妹早前就被影到同翻版房祖名拍拖,當時的祖藍妹仍是四眼妹 look。

阿妹變索唔認得

35歲王祖藍同 30歲李亞男選擇情人節在教堂行禮,鍾嘉欣、岑麗香、郭晉安和錢嘉樂等圈中好友組成星級伴郎伴娘團,到場觀禮嘉賓位位份量十足,有許冠文、薛家燕和鄧萃雯等。

不過為婚禮最出力的當然是王氏一家啦!除咗祖藍媽咪、舅父同嫲嫲出席,仲有曾經被雜誌拍到長髮四眼 look嘅細妹,當時被指激似祖藍所扮演嘅「 Handelababy」角色,報導一出搞到細妹嬲爆,最後要祖藍出錢請去歐洲旅行先拆掂。

廿四孝哥哥舉行婚禮,細妹都好識做,事前悉心打扮變靚啲,在教堂行禮當日不停招呼親友,不過好多人都唔認得祖藍妹,要王媽媽四圍介紹。翌日(15日),祖藍、亞男在迪士尼擺酒,阿妹又落力打點,但上次被雜誌影到阿妹個男朋友,婚禮當日又唔見人,唔通阿妹變靚咗要求都高咗?


王祖藍去年以 1,338萬買入位於雅景花園的 4千呎愛巢,後來裝修超支七成至 500萬埋單!


情人節行禮當日,新郎哥王祖藍已經爆喊,「我平時嘻嘻哈哈冇爆出嚟啫,呢個地方好特別,睇住我大,每一個親友都好 warm、好窩心。」

「你係上帝派來嘅天使,感謝你嘅愛圓滿咗我嘅生命,我愛你,但我嘅愛並唔完美,我願意用我嘅餘生同你一齊,喺上帝裡面學習乜嘢係愛,縱然我哋都係罪人,但我哋嘅感情充滿恩典,但願我哋個婚禮能夠被神使用,從今以後,我會專一服侍你,正如我專一服侍神一樣。」


「長短腳之戀」開花結果,王祖藍同李亞男應傳媒要求咀足 4次, sweet到爆!