電視台6月大戰 無線4劇迎有線 36%被訪者睇好「祥毛回歸」撼贏世盃

4年一度世界盃又殺埋身,今屆64場賽事繼續由有線獨攬,6月11日開始打到7月11日,足足興奮1個月!無得播波的TVB(只在數碼頻道播4場),亦不甘示弱,趁人人留守家中的黃金機會,出動4線劇集搶客,實行掠奪師奶觀眾,到底這個如意算盤能否打得響?哪線劇集又最被睇好,可撼低世盃?

今年6月,將出現「男人出晒街,女人獨留家」的怪現象,事關世界盃殺到,戲碼更是歷屆強勢,「地上最強」美斯惡鬥「全球最貴」C朗、「西班牙王子」費托大戰「科特迪瓦魔獸」杜奧巴……粒粒巨星打到去南非。一如往年,TVB只播揭幕戰、兩場4強及決賽,合共4場賽事,還要「移師」數碼頻道播放,所以唯有出動重頭劇集,力撼世盃,挽回頹勢!

戰幔先由5月開始,近日TVB在凌晨時分,率先重播98年由羅嘉良、張家輝壓陣的大卡士劇集《天地豪情》,據聞到世盃開鑼之後,劇集將加碼至每晚播足兩小時;至於《飛女正傳》播畢,5月24日將由林峯、楊怡主演的《談情說案》接棒;另外《掌上明珠》結局後,6月7日登場會是馬浚偉、鍾嘉欣及陳法拉主演的聊齋劇《蒲松齡》;若數最令人引頸以待的,勢必是6月14日首播的處境劇《天天天晴》,黎耀祥和毛舜筠繼《畢打自己人》後,再度「祥毛」聯手。

事實上,今年世盃是3線戰事,頭場傍晚7點半開波、第2場是晚上10點、尾場是凌晨2點半。至於TVB安排的4線劇,正好是《天天天晴》加《蒲松齡》,正面撼世盃頭場;《談情說案》負責力挑第2場世盃;而《天地豪情》時間上雖非與世盃尾場對撼,但就可以搶盡凌晨兩點半賽前的廣告時段!到底,市民認為TVB這次的「4線劇搶世盃Fans」,哪一條戰線會最具至勝把握呢?本報為此進行了一次民意調查,並成功在街頭訪問了50名市民,在「煲劇睇波2揀1」的情況下,由他們評估「4線劇集」的吸客能力。

《談情說案》遇強手

結果一如所料,高達54%被訪者會選擇睇波,當中絕大多數男性觀眾「睇波大過天」,至於部分女被訪者則首選煲劇。「4年一度,點都會捧吓場,屋企無得睇咪去酒吧、唱K睇囉,好似今年戲院都有得播,仲係3D添,世盃咁Hit,唔睇返工變啞仔口架!」也有女性被訪者坦言:「我雖然平日唔睇波,但點都會陪另一半湊吓熱鬧,一班Friend出嚟聚吓囉……」雖則世盃贏面較大,但也有不少市民留意4線劇的登場,當中有36%被訪者最睇好半小時處境劇《天天天晴》有力搶到世盃Fans,原因是有「祥毛」壓陣,「上次《畢打》有口碑囉,社長(黎耀祥飾)同老總(毛舜筠飾)嘅一段情,搞笑又多波折,所以佢口地再合作,都想睇吓再擦出咩火花!」另一原因,是《天》劇由《畢》劇原班人馬上陣,位位演員都熟悉,所以追睇的時候會更具親切感!「仲有呀,我睇過世盃7點半賽程,都係好一般,主要係洪都拉斯、斯洛文尼亞、紐西蘭呢口的3線國家隊比賽,所以會睇完『祥毛』,先扭過去睇下半場!」

至於「最睇好劇集搶世盃客」的第2位,是獲20%支持率的《談情說案》。這齣新劇由TVB力捧的林峯、楊怡、馬國明合演,下周率先首播。有指《談》劇是山寨版《神探伽利略》,劇中林峯飾演天才物理學家,替警察好友馬國明破奇案,而楊怡就演傻女警,跟林峯查案查出真感情,「呢套劇開9點半,撞正10點嗰場世盃,呢個時段好多強隊出場,西班牙、葡萄牙、巴西、英格蘭都有,所以唔係咁睇好《談》劇!」

《天地豪情》有力爆冷

排名第3的「最睇好劇集搶世盃客」,是獲14%支持率的《天地豪情》。《天》劇雖是98年翻叮作品,但卡士之強,當真一時無兩,有羅嘉良、張家輝、蔡少芬、黃日華、周海媚、陳錦鴻等助陣,論劇情講卡士,至今仍受劇迷青睞。有被訪者更坦言,「早前知道無線重播《天地豪情》,已第一時間追睇,12年前作品,但係劇情精采,有戲味,好睇過依家口的劇集多多聲。」加上,《天》劇安排在凌晨12點15分播出,世盃期間或會播足兩小時,睇完都是2點15分,剛好趕及世盃的2點半場,搶盡先前的廣告時間,所以分分鐘是4線劇的秘密武器,隨時殺出做大贏家!

至於「最睇好劇集搶世盃客」的第4位,是卡士最弱的《蒲松齡》,只獲10%的支持率。「陳法拉都有興趣睇吓,但馬浚偉拍住鍾嘉欣,又係《老友狗狗》一樣,悶口的囉!而且《聊齋》古仔講咗N次又N次,換個角度講作者蒲松齡,希望有口的新意啦,如果唔係,我會揀睇世盃頭場嘅下半場!」也有市民認為,「世盃4年一度,直播先最好睇,重播或翻睇就無晒味道,《蒲松齡》牌面好弱,假如試過唔好睇,我會揀睇世盃,因為之後可以上TVB官網嘅my tv足本重溫。

最睇好劇集搶世盃客:《天天天晴》

市民支持率:36%•第1位

卡士劇情強度:★★★★★

撼世盃能力:★★★★

最睇好劇集搶世盃客:《談情說案》

市民支持率:20%•第2位

卡士劇情強度:◎◎◎◎

撼世盃能力:◎◎◎◎

最睇好劇集搶世盃客:《天地豪情》

市民支持率:14%•第3位

卡士劇情強度:★★★

撼世盃能力:★★★

最睇好劇集搶世盃客:《蒲松齡》

市民支持率:10%•第4位

卡士劇情強度:★★

撼世盃能力:★★

TVB推出4線劇,你最睇好哪個劇集可以搶到世盃客?

■《天天天晴》36%

■《談情說案》20%

■《天地豪情》14%

■《蒲松齡》10%

■無意見20%

(訪問以50人作基準)

我好期待「祥毛」重臨喎,嗰個時段世盃戲碼較弱,應該搶到客口架!

Bill︰

最近劇集都唔算太吸引,平時都一定會睇波,世界盃就更加一定會睇啦。

張先生︰

4年一度世界盃當然唔可以錯過,我平日亦無煲開劇,一定係睇波首選。

FANS討論區

祥毛強勢回歸 《天天天晴》要加新意

TVB將於6月中播映處境劇《天天天晴》,卡士來自《畢打自己人》的原班人馬,還加上李司棋及李思捷等。網友對毛舜筠及黎耀祥這對組合十分期待,不過有人擔心劇集又係講Office,擔心會好悶。

littlebeebee:咁樣睇卡士都唔錯,希望古仔可以新鮮口的~~

smallsong81:嘩!好開心~又可以看到祥仔啦,還有毛姐!超期待!

jianshan:祥毛嘅搭配都幾鍾意,仲有李思捷都幾鬼馬,應該會好睇啩!

Flaky仔:呢個Cast個個有演技,值得期待。

rainbow09:拍還拍,可唔可以唔好再拍Office戲,睇到悶!拍番好似《真情》嗰口的講家庭比較生活化嘅口野,由《同事》到《畢打》到《女王》都係講Office……

karamunsing:睇陣容就知道又係《同事》+《畢打》+慈母,《畢打》我已經覺得好悶好無聊,呢次再來打「親切牌」,製作都不會有誠意到那裏,舊瓶加舊酒。