《團圓》陳錦鴻演得過激封「萬梓良第二」

陳錦鴻封萬子第二勢捱剪

無綫藝員郭晉安及陳錦鴻擔正的劇集《團圓》,播映以來收視一直未如理想,其中陳錦鴻演繹的嗌交戲份更令網民煩厭不已,狠封他為「萬梓良第二」。

陳錦鴻、郭晉安、吳卓羲主演的無綫新劇《團圓》,「出街」之後收視一直只有廿五點,至本周才逐漸回升。據知,無綫原本想將此劇打造成另一部《溏心風暴》,故安排劇中兩大家族進行家族生意爭奪戰。

又嘈又過火

未料不但無助收視,嘈交戲更令觀眾厭煩,因而接獲不少投訴。當中尤以陳錦鴻的嗌交戲份,除遭狠批「太嘈」及「演繹過火」,更有網民嘲笑他為「萬梓良第二」。據知為減低網民「怒火」,無綫已即時開會度橋救亡,商議後決定刪減錦鴻的戲份。

有關傳聞,記者向監製張乾文求證,他承認有留意網民批評,更指自己要為收視不理想負責:「今次特意有所隱瞞,所以大家開頭會唔明點解兩家人係咁嘈,或者觀眾唔喜歡呢個講故事方法。」對於錦鴻被狠批為「萬梓良第二」,張乾文力撐說:「錦鴻係個好演員,雖然佢今次確係有啲過火,但我冇去阻止亦係我嘅責任。」他又否認主力刪減錦鴻戲份:「只係順應民意作適合嘅剪接,太嘈嘅會修改。」

難人人鍾意

至於錦鴻本人則不介意被封為「萬梓良第二」:「點會唔開心?萬子係好演員,點可以話唔好。做演員好被動,都係跟劇本,好難要求人人都鍾意。」他又指不介意監製修改戲份:「應該睇觀眾喜好作調節嘅。」

萬梓良

想學我?有排學嘢啦!(設計對白/資料圖片)

陳錦鴻與徐子珊擔綱演出的《團圓》收視欠佳。(資料圖片)

陳錦鴻與徐子珊擔綱演出的《團圓》收視欠佳。(資料圖片)