梁靖琪學做一家之煮 祥仔感激愛兒關心

祥仔感激愛兒關心

黎耀祥與十二歲兒子黎正橋感情要好,近期雖忙拍劇,但若有空能提早回家吃飯,兒子都會推掉約會返家共享天倫,令祥仔非常窩心。

黎耀祥與十二歲兒子黎正橋
祥仔一有空便會陪兒子玩樂。(資料圖片)

祥仔表示踏入春青期的兒子,會以另一種方式與他慶祝父親節:「以前細個都會畫吓卡咁,男仔都係粗心大意,好多嘢在心中。不過佢都OK,我都好滿足,佢平時較黐我、嗲我,又會攬我錫啖我,喺屋企睇電視又會挨住我。我雖然忙,但一有時間都會陪佢,教佢游水、踩單車、捉棋同佢傾偈。(有冇怨你冇時間陪佢?)間唔中,尤其呢排,我老婆話佢成日都問爹哋幾時返。個仔見到我咁忙,都會好肉赤,叫我做嘢小心啲。就係呢啲一句半句.我已經好感動。」

梁靖琪學做一家之煮

父女情深的梁靖琪(Toby)和無綫戲劇製作總監梁家樹,父女聚頭不會談公事,反而研究入廚心得。驟眼以為Toby廚藝了得,查實父親才屬「一家之煮」,女兒和老婆的廚藝都是拜梁家樹所賜。

父女情深的梁靖琪(Toby)和無綫戲劇製作總監梁家樹
梁家樹希望女兒學識重視家庭,故經常帶女兒到街市買餸。

為慶祝父親節,Toby特別跟父親到街市學買餸。因梁家樹是街市常客,故得到一班街坊特別照顧。兩人去買海鮮時,魚販都會給他們最新鮮及最抵買的價錢,不夠零錢亦可以「下次計」,人情味極濃。梁家樹說:「我就係想Toby學識呢樣嘢,要重視家庭,唔係要佢識煮嘢食咁簡單,所以我哋享受一齊買餸嗰個過程。」

父女情深的梁靖琪(Toby)和無綫戲劇製作總監梁家樹
梁家樹教女兒如何揀新鮮海產。