暗示賣身無綫 6成機會封帝 祥仔自誇贏面勝陳豪

澳門直擊 女配角獎爭崩頭
胡定欣呻不公:自生自滅

【萬千星輝頒獎典禮 2010之綠葉風波】無綫台慶頒獎禮進入倒數階段,除了視帝視后獎受關注外,最佳女配角獎一樣爭崩頭。胡定欣憑《刑警》差婆硬打《義海豪情》病妹陳法拉和《鐵馬尋橋》正氣妻惠英紅,但昨日胡定欣卻在 facebook狂呻冇公平,陳法拉則自爆或有開心事發生,會買鑽飾自我獎勵,似乎曲線暗爆賽果。

無綫《萬千星輝頒獎典禮 2010》中的最佳女配角,屬《刑警》的胡定欣、《義海豪情》的陳法拉和《鐵馬尋橋》惠英紅之爭。昨日胡定欣在 facebook留言吐苦水,狂呻不公:「公平?我知冇可能真係做到公平,但只係公平少少呀,少少啫!其實如果真係有心幫手嘅,大家一定會感覺到!家係……得就得,唔得就算!咩意思都冇,真係『自生自滅』!不過我哋真係會『自動』地堅持住,撐住!」 fans表態支持,也意會她所指的是台慶頒獎禮。

陳法拉昨日在澳門戴上總值逾二百萬元鑽飾上陣,她笑言稍後或買鑽飾自我獎勵,難道是慶祝捧走女配角獎?n

陳法拉昨日在澳門戴上總值逾二百萬元鑽飾上陣,她笑言稍後或買鑽飾自我獎勵,難道是慶祝捧走女配角獎?

「呢啲係我心聲」

惠英紅(左一)在《鐵馬尋橋》中扮演林嘉華(右一)妻子,其出色演繹大獲好評。劇照 

惠英紅(左一)在《鐵馬尋橋》中扮演林嘉華(右一)妻子,其出色演繹大獲好評。劇照

記者致電胡定欣時,她卻閂閘說:「唔回應啦,係我自己啲嘢啫。」她避談反更惹人猜測,她繼續堅持說:「呢啲係我自己嘅心聲,我有自己空間,每人有言論自由,我係同朋友分享,但唔需要同大家交代。」
提到女配角一獎,胡定欣說:「我對自己有信心,我由衷支持小紅姐,佢《鐵馬》做得好,希望佢再下一城。」陳法拉又如何?她說:「都做得好好,我鍾意佢《公主嫁到》嘅表現,都好支持佢。」但法拉入圍的卻是《義海》。

法拉鑽飾獎自己

胡定欣在《刑警》中表現不俗,但她昨日卻在 fb呻不公,惹來敏感猜測。劇照

胡定欣在《刑警》中表現不俗,但她昨日卻在 fb呻不公,惹來敏感猜測。劇照

昨日陳法拉和林保怡在澳門出席鑽飾預展,她佩戴總值逾 200萬鑽飾上陣,未知其 Neway太子爺男友有否買鑽飾送贈她?她說:「自己搵錢自己買更開心,今年拍劇多咗收入多咗,年尾睇吓有冇開心事,買鑽石獎勵自己。」陳法拉的 high和胡定欣的 down相反,兩人似互相暗爆賽果。另外,有網友認為陳法拉在《義海》中死得慢,她笑說:「我都希望角色冇病,都會聽觀眾意見同公司反映。」
同場的林保怡以《讀心神探》角逐視帝,他稱要視乎檔期才決定是否出席頒獎禮,但他本月 9日會到新加坡參加電視頒獎禮,並以《掌上明珠》打入最後六強,笑言已當得獎。
採訪、攝影:夏琴(香港)、馬建華(澳門)

萬千星輝頒獎典禮最佳女配角提名

《刑警》 演員:胡定欣
《義海豪情》 演員:陳法拉
《鐵馬尋橋》 演員:惠英紅
《掌上明珠》 演員:商天娥
《美麗高解像》 演員:陳敏之
《女王辦公室》 演員:何韻詩
《鐵馬尋橋》 演員:李詩韻
《鐵馬尋橋》 演員:唐詩詠
《飛女正傳》 演員:朱慧敏
《天天天晴》 演員:陳茵媺
《情越雙白線》 演員:苑瓊丹

《公主嫁到》 演員:關菊英

《公主嫁到》 演員:關菊英

《情越雙白線》 演員:姚子羚
《女人最痛》 演員:江美儀
《摘星之旅》 演員:梁靖琪
《公主嫁到》 演員:關菊英

解碼
排骨仔勢壓非凡哥

排骨仔敖嘉年和非凡哥麥長青齊憑《義海豪情》上位,更一起爭奪男配角獎。劇照n

排骨仔敖嘉年和非凡哥麥長青齊憑《義海豪情》上位,更一起爭奪男配角獎。劇照

台慶頒獎禮中,次等獎對於未上一線的藝員而言十分重要,男、女飛躍進步及男、女配角獎項,俱被視為來年上位指標。
今次女配角是胡定欣大戰陳法拉和惠英紅,男配角則是《鐵馬尋橋》中演奸角的林嘉華與《義海》雙煞排骨仔敖嘉年和非凡哥麥長青對決。
近日林嘉華身在加國為華裔小姐競選擔任司儀,早前他接受訪問時表示,無綫沒有邀請他出席頒獎禮,記者昨曾致電林嘉華,但其手機未能接通。若他最後不在邀請之列,被無綫力捧的排骨仔應比非凡哥高一線,可穩奪男配角獎。
至於男、女飛躍進步獎,黃浩然如無意外攞硬,反而女藝員較飄忽,羅敏莊和陳倩揚各有表現,前者以資深稍勝一籌。

Wyman自薦做紅娘
雯女拍拖戰衣誘劉醒

Wyman和鄧萃雯情商香港設計師何志恩(中),在頒獎禮當晚為九姑娘設計去 ball衫。

Wyman和鄧萃雯情商香港設計師何志恩(中),在頒獎禮當晚為九姑娘設計去 ball衫。

【萬千星輝頒獎典禮之整裝待發】
萬千星輝頒獎典禮後日舉行,去年以《巾幗梟雄》封視后的鄧萃雯,今年有望憑《義海豪情》九姑娘一角冧莊。雯女今年再由潮人好友黃偉文( Wyman)準備戰衣,身為《義海》 fans的 Wyman更構思了一條「義海豪情之鄭九妹人約黃昏後」靚裙,給九姑娘和劉醒拍拖去 ball,以圓自己和 300萬觀眾的心願。

鄧萃雯今年憑《義海豪情》九姑娘一角,大熱力爭冧莊視后。她去年由好友、潮人黃偉文裝身,清純白裙力抗一眾肉光四射的花旦,最後順利拿下視后寶座。

圓 300萬觀眾心願

劉醒和九姑娘在《義海豪情》中患難相扶,卻未有機會甜蜜拍拖。<br/>劇照

劉醒和九姑娘在《義海豪情》中患難相扶,卻未有機會甜蜜拍拖。
劇照

萬千星輝頒獎典禮後日舉行, Wyman昨日透露因雯女想推動香港設計師,所以找來女設計師何志恩( Johanna Ho)為雯女度身訂做女性化的靚裙, Wyman還指自己是以《義海》 fans身份,自薦為雯女裝身,他說:「往年我係鍾意,今年係真係睇,晚晚上 tvb.com睇番,係 20年來第一次追劇,我睇到第三集《義海》就打電話畀佢,我覺得雯女係個偉大演員,畀咗啲咁好嘅我哋睇,作為劇迷同 fans,我想為雯女,為九姑娘做番啲嘢,所以主動請纓幫忙。」
Wyman昨日和雯女第三次做 fitting,他解構當晚雯女的靚裙主題是「義海豪情之鄭九妹人約黃昏後」,劇情需要多於時裝化,他說:「成套劇入面,九姑娘同劉醒冇一場戲係拍拖,到成 60幾歲先一齊過幾年甜蜜日子,年輕美麗時就冇呢個機會,每個觀眾都想睇呢一幕,所以我想做一條裙畀九姑娘去拍拖,做一條裙畀九姑娘同劉醒去拍拖,做一條裙畀九姑娘同劉醒去 ball!睇咗 32集,李添勝冇拍到呢一場戲出嚟,我想幫自己同 300萬觀眾圓呢個心願。」

靚裙風格艷麗神秘

鄧萃雯去年一襲單肩白裙出席台慶頒獎禮,清新年輕,大獲好評。<br/>資料圖片

鄧萃雯去年一襲單肩白裙出席台慶頒獎禮,清新年輕,大獲好評。
資料圖片

至於靚裙風格, Wyman表示是 30至 40年代風情萬種的女人,配襯名牌 Van Cleef& Arpels珠寶,呈現九姑娘最靚的一面,他說:「舊年雯女好清,今年試吓好艷麗神秘,同埋有少少曳曳哋,希望大家鍾意啦。」