衛蘭、衛詩這對孿生姊妹又再拍住上，齊齊簽約華納唱片。唱片公司華納在其官方facebook公佈，二人已到公司正式進行簽約儀式，並貼上老闆Gordon Lee左擁右抱孖妹的照片。

衛蘭於04年簽約黎明旗下，去年底約滿後離巢，一直去向未明。至於妹妹衛詩亦於06年加入跟姐姐同公司，但妹妹於09年與當時的男友關楚耀在日本涉藏毒被捕後，即被公司解除合約，自此離開香港樂壇。

全文如下：

歌手衛蘭、衛詩正式簽約華納唱片，日前(25/6)二人到唱片公司正式進行簽約儀式，二人都表示非常高興可以跟大家宣布自己去向，而華納老闆Gordon Lee表示一直有留意所有的歌手，亦非常有興趣跟更多有潛質的朋友合作。

對此，衛蘭衛詩兩姐妹表示非常開心：「咁知道好多媒體朋友都好關心自己既（嘅）動向，期間亦都有唔同既（嘅）唱片公司同自己接觸，好開心最後同華納唱片簽約，覺得佢地（哋）係一間好有活力、好好玩既（嘅）唱片公司，而大家既（嘅）理念亦非常相近，希望之後會有更多既（嘅）好歌唱比（畀）大家聽。」

另外，對於不斷有歌手加入公司，華納一眾歌手表示非常高興及歡迎：「好開心見到公司越黎（嚟）越熱鬧越黎（嚟）越多人，相信黎（嚟）緊大家會有更多合作更多既（嘅）火花，希望可以帶到更多唔同元素既（嘅）音樂比（畀）香港既（嘅）朋友。」