鍾嘉欣、蕭正楠、陳展鵬、田蕊妮同貝安琪等，今日到長沙灣一間小學，宣傳無綫新劇《巨輪》，佢哋同班小學生玩遊戲同送禮物，深受歡迎。

原來咁啱得咁橋，蕭正楠同陳展鵬小學時期，都係喺呢間學校讀書，陳展鵬講笑話：「以前成日排隊遲到畀人打籮柚，0依家啲小朋友聰明啲。」

講到新劇出街，展鵬話冇壓力，更硬銷劇集有戲味，唔睇係觀眾損失。

至於蕭正楠就話記得小六時同展鵬係鄰班同學，咁佢哋係咪校草？佢話：「我小學好樣衰，成面暗瘡。」

佢又自爆唔認得路返母校，咁認唔認得點去女友何傲芝屋企？佢講笑話：「邊度嚟？唔知喎，佢成日搬！」

鍾嘉欣就話希望觀眾欣賞呢套劇，係咪台慶檔都唔緊要，又話自己有一場戲飾演病人，因為要素顏上陣，係從影以來最樣醜一次。

鍾嘉欣話新劇中有場戲飾演病人，仲要素顏上陣，係佢從影以來最醜一次。

鍾嘉欣同李亞男鼻貼鼻。

眾演員深受歡迎。

蕭正楠同陳展鵬細個都係讀呢間小學。

蕭正楠（中）自爆小學時候好樣衰。