媽模陳靜儀（Mia）今日同何佩瑜（Jeana）、趙勁皓（King）現身觀塘，參與有線節目錄影打泰拳，「大隻King」即場抱起兩女，點知佢竟然唔夠力，仲硬食兩女「波餅」，事後又指佢哋個胸「un」親自己塊面。

無綫節目《求愛大作戰》嘅Whitney，日前承認同陳靜儀（Mia）前夫莊先生拍拖，仲有報道話，Mia得悉此事時更寸爆謂:「呢啲咪姣婆遇著脂粉客囉!好心佢(Whitney)上咗電視就搵件好啲啦!」

今日Mia就表示，有留意《求愛》，但就冇睇；對於前夫同Whitney拍拖一事，佢嘅口風又唔同咗喎：「我都唔知，係記者問我先知，乜個節目唔係要單身被人追咩，其實我都唔清楚，因為同佢（前夫）冇聯絡。」

之不過，Mia都承認，之前受訪時，真係有用「姣婆遇著脂粉客」形容Whitney同前夫，問到佢係咪覺得前夫係「脂粉客」，佢話：「暫時未改變到呢種形象。」至於話Whitney係姣婆，佢解釋只係稱呼令報道好睇。佢仲認埋跟早前被影到嘅富二代拍緊拖添呀。

大隻King食兩女波餅，這些機會…

事前要有熱身運動0架！

吼！！！！

大隻King(中)出場，準備，一，二…

三！！上呀！！！

嘿…唔…唔…唔夠…力呀…要…要跌…

跌喇~~~~~~~~~(女的在尖叫~~~)

嗚呀走開呀，救命呀！！

Sorry sorry，再嚟一次好冇？

大隻King呢次聚精會神…

成功！！

合照是常識吧。

Mia話依然覺得Whitney同前夫撻著係「姣婆遇著脂粉客」喎。

Jeana：「你竟然撻我落地！」(設計對白)

其實想問吓，點解Mia妳隻手臂紅晒嘅？

Mia今日受訪時被問到前夫與《求愛》Whitney拍拖，不諱言直認曾痛批二人「姣婆遇著脂粉客」（右圖為《壹週刊》圖片）