鍾嘉欣近期新聞多多，失眠3個月即時發脹了不少，之後又傳她暗戀馬浚偉，及後又傳出2人不和，話雖如此，近日跟陳豪（Moses）趕拍新劇《點解阿Sir係阿Sir》的她，日前到九龍城開工，二人全程有講有笑，明顯合作得非常愉快。文：陸宜圖：容子堂、甄朝健

鍾嘉欣早前拍攝《蒲松齡》時，因為未能抽離角色，而足足失眠3個月之多，因而被取笑暗戀馬浚偉，另一方面又有報道指馬仔跟好友陳法拉聯手斯負她，負面新聞不絕，對此，嘉欣大罵黐線，更說跟馬仔及法拉合作融洽，但事實上嘉欣最開心反而是跟老拍檔陳豪合作！

日前，嘉欣跟陳豪跟《點解阿Sir係阿Sir》的劇組人員走到九龍城開工，病瘉後的嘉欣，明顯比之前發福了不少，面部更有點浮腫，不過依然無損嘉欣開工的心情，劇情講到嘉欣站在馬路邊，然後跳上陳豪的車齊齊遊車河，嘉欣一發現記者，即時向著鏡頭揮手之餘，又擺出V字手勢，心情似乎十分好，接著，嘉欣便跳上了陳豪的車子，未拍攝時，嘉欣忙於補妝，而陳豪就在歎咖啡，話雖如此，但2人全程有講有笑，極之老友，個樣甜到漏。

拍罷這個鏡頭，陳豪就落車掉了咖啡杯，至於嘉欣就跳下車講電話，傾完電話嘉欣就走到附近的食肆借洗手間，大明星光臨，老闆當然歡迎，借完洗手間，嘉欣就走到附近一間便利店，買了些飲品放到袋中，接著，剛喝完咖啡的陳豪再走到便利店買了一支飲品再飲，未知是否跟嘉欣在車上傾到口水乾！明顯嘉欣跟陳豪合作得非常愉快！

■鍾嘉欣滿面笑容地開工，皆因拍檔是陳豪而非馬仔。

■陳豪和鍾嘉欣同遊車河，兩人展露甜蜜笑容。

■嘉欣買嘢飲後，陳豪又即時去買了一罐咖啡提神。

■和鍾嘉欣合作十分開心，見陳豪滿面笑容就可見一斑。

■陳豪對買咖啡也十分揀擇。

■嘉欣抽空到便利店買東西。

■買了一支飲品後離開。

傳被馬仔法拉孤立

鍾嘉欣早前夥拍馬浚偉及陳法拉，一同拍攝無線劇集《蒲松齡》，拍攝時，嘉欣已經表示經常失眠，而且達足足3個月之久，可能因為這個緣故，在一個節目中，吳家樂就取笑她因為抽離不到角色，加上暗戀馬仔，而導致失眠，被問到此事時，嘉欣大罵黐線，斷言這是沒有可能發生的事，只是拍劇期間健康不佳，才導致失眠，最後就得到朋友及演員的關心才能康復過來！之後，又有周刊指同劇的馬仔跟法拉聯袂欺負嘉欣，不過嘉欣卻例牌否認。

■鍾嘉欣和馬仔合作傳出不快。