王祖藍呢期扮女人扮到「爐火純青」，唔止人氣急升，見佢一日走幾場，又出商場騷又做司儀，連荷包都水浸。不過有收穫當然要付出啦，早幾日八太就見到祖藍擒擒青離開電視城趕下場，見佢個樣完全未瞓醒，黑眼圈仲大過對眼，行路仲腳步浮浮咁款，八太見佢咁，梗係上前問候下啦！

祖藍嘅黑眼圈仲大過對眼！

祖藍話佢呢排多嘢做，真係好攰喎，之後祖藍去攞車，八太見佢連喺架車度傾電話時，都係合埋對眼嚟傾，睇嚟祖藍咁唔夠精神，揸車真係要小心啲啦。

祖藍合埋對眼傾電話，明顯攰爆！