王祖藍露肉谷玩嘢騷
新一代扮嘢偶像王祖藍為七月底舉行的個人騷拍攝宣傳海報，他除了露肉演出外，更以Hit爆金句：「我接受唔到囉！」作招徠，今次演嘢騷的花招竟然玩到票價身上，分為低下階層價、中產夾心價和山頂豪宅價，令人未入場已經感覺到祖藍的爆笑功力。

海報仿如一個護膚廣告，再配合近期城中最愛的祖藍角色──「荃家福祿壽」Handelababy Hit爆金句：「我接受唔到囉！」、「Are you serious？」、「我好sad呀！」等等，創意爆燈之餘，更象徵演嘢會中，祖藍會以超喪爆笑演出，給大家來一次最徹底的心靈美白。

王祖藍為玩嘢騷露肉拍海報，認真賣命！

祖藍的海報十分玩嘢，未入場已經笑爆肚。

王祖藍將於7月30及31日假灣仔伊利沙伯體育館，舉行兩場《咪咁扮嘢王祖藍演嘢會Cho Lam Show Off Show》，屆時他將以棟篤笑形式發放笑彈。票價分為「低下階層價」350港元、「中產夾心價」250港元、「山頂豪宅價」150港元。