《演嘢會》周五開騷 祖藍孖欣宜跳辣身舞

王祖藍昨日為楝篤笑《咪咁扮嘢王祖藍演嘢會》進行綵排，他感激這段日子身邊朋友及家人幫助，除了弟弟為他特別製作T恤外，還請來好友鄭欣宜合跳辣身拉丁舞。本報記者

王祖藍昨日為本周五舉行的一連兩場《演嘢會》楝篤笑綵排，他直言心情相當緊張，更出現失眠情況，令他更感激家人及朋友相助，特別是跟他合作跳拉丁舞的嘉賓欣宜，祖藍說：「我打電話畀佢，佢咩價錢、時間都冇問就答應咗！所以完咗個騷之後，我諗住送一啲小禮物畀幫過我嘅朋友。」另外，祖藍的弟弟最近開設設計公司，還特別為哥哥設計了三款T恤在楝篤笑期間發售。

欣宜今次在《演嘢會》中，拍住祖藍表演火辣的拉丁舞，問到兩人會否有親密動作，欣宜表示：「跳拉丁舞少不免，我其實好怕醜㗎！好在同佢好熟咋！」至於會否有高難度動作，欣宜笑言：「唔會啦！佢仲有個舞台劇要做，抬起我就費事佢受傷啦！」

※王祖藍（左）昨日為楝篤笑綵排，更請來欣宜跳辣身拉丁舞。

※王祖藍裝大鼻扮小丑。

李思捷與秋官真假對決

由鄭少秋、汪明荃、關菊英、謝雪心等合作的《娛樂真經典演唱會》，將於八月初在紅館開騷，據知在《荃加福祿壽》中扮嘢出位的李思捷，將扮到上紅館做嘉賓，挑戰「扮嘢秋」秋官同台較技。

李思捷

李思捷被封為新一代扮嘢天王，曾經扮過秋官的他，獲秋官大讚神似。今次思捷食過翻尋味，屆時真、假秋官在台上比併，兩人又會鬥扮四大天王搞笑，而思捷更會代替關正傑演繹《近代豪俠傳》。

鄭少秋