王祖藍戴上假髮及穿白西裝扮 Teresa前夫，和 TV扮母親上演當日二人相戀經過。

桃李滿門的杜麗莎（ Teresa）在紅館舉行兩場演唱會，前晚首場王祖藍擔任嘉賓扮她前夫和 Teresa大女 TV演戲， Teresa表示雖曾為前夫還債令她飽受傷痛，但仍感謝已過世的他賜予 TV陪伴左右，而現任老公、爸爸及其餘兩個囡囡總動員上台為她打氣， Teresa更和老公咀嘴，大晒恩愛。

一連兩場的「 2010 I AM A SINGER杜麗莎演唱會」前晚在紅館開鑼，不少學生如容祖兒、 Twins、官恩娜及黃栢高等皆有錄下片段為她打氣，王祖藍更擔任嘉賓穿梭整晚演出，開場不久他施展扮嘢本色，戴上冬菇頭假髮及穿白西裝扮 Teresa前夫， Teresa的大女 TV則扮媽咪，重演當年 Teresa和前夫相戀經過， Teresa旁白時說：「記得當時嘅佢係白馬王子，高大有型。」觀眾看着台上的祖藍即發出笑聲。
Teresa以修女 look唱電影《開心鬼》主題曲，她說：「套戲好開心，但我當時唔開心，婚姻失敗，要做好多嘢還錢，單身孤獨，個女只得 4歲，但係個女見我喊，竟然識同我講話好錫我囉。」接着 Teresa的老父、現任老公 Andreas及兩個細女 Alexias及 Serena齊齊上台為她打氣， Teresa穿上婚紗和 Andreas大晒恩愛， Teresa說：「 I love you。」最後兩人咀嘴。

祖藍與 TV全情投入扮嘢，二人四目交投好溫馨。

杜麗莎着起婚紗與老公 Andreas在觀眾面前咀嘴，大晒幸福。

祖藍爆學費貴

祖藍再出場唱出《追》，他笑說：「當年搵 Teresa學唱歌，但估唔到好似去咗天比高咁要畀入場費，單係試音要 500蚊，乜都冇得學。後來佢收咗我，但我都冇去，因為太貴， 800蚊一個鐘，但之後我又覺好抵，因為除咗教唱歌， Teresa仲會做輔導同煮埋飯畀我食。」尾聲時 Teresa感謝去年已過身的前夫，她說：「雖然當年我要幫佢還錢，但冇後悔嫁畀佢，因佢令我有 TV。」
採訪：馬建華
攝影：彭琮然

杜麗莎與前夫曾經歷過一段辛酸歲月。資料圖片

Teresa的三位愛女 TV、 Serena及 Alexias擔任嘉賓，在台上載歌載舞。