黃翠如同洪永城今日到尖沙咀，為日本迴轉壽司餐廳擔任剪綵嘉賓。翠如BB同洪永城經常以情侶檔姿態吸金，咁身價係咪都升咗呢？翠如BB笑言：「我做每個騷都唔知幾多錢，我諗拍佢會低少少。」

可能得到翠如BB帶挈，洪永城就識趣幫女方宣傳埋套劇：「咁翠如BB呢排hit，有《師父?明白了》，不過以我所知，我哋兩個喺網上反應，一齊威力係大啲，會多啲人想知我地嘅嘢。」

翠如BB同洪永城雖然情侶檔搵銀，但兩人私下經常「嗌交」，翠如BB說：「我哋拍外景都試過嗌交嗌到黑面，一日咁多喇！所以我喺佢面前係唔使造作，友誼係唔會變，亦唔擔心影響友情，反而更加了解對方。」

咁有冇因了解多咗而成為情侶呢？翠如BB好決絕咁話唔會，但洪永城就唱反調說：「話唔定有咁嘅可能，合作拍劇都可能會擦出火花！」

洪永城同黃翠如拍住上吸金。

翠如BB話同洪永城係冇可能因了解而結合。

黃翠如話同洪永城拍外景時，曾試過嗌交。