王祖藍李亞男身高差6吋 「高攀」全靠勇

祖藍、李亞男公開晒恩愛

王祖藍和女友李亞男昨日在電視城手指掂手指,示意戀情一線牽。

王祖藍和女友李亞男昨日在電視城手指掂手指,示意戀情一線牽。

現年 30歲的王祖藍果然矮仔多計,成功出冧招追到細 5年兼高半呎的 05年國際華裔小姐冠軍李亞男,譜出一段長短腳之戀,他們昨日公開地下情,即場大做真人騷示威,甜蜜到暈。

王祖藍和 25歲的李亞男同是虔誠基督徒,二人雖然高度懸殊,但他們懶理世俗目光,秘密拍拖一年多,這段長短腳之戀近日被踢爆,他們昨日更甜蜜在將軍澳電視廣播城見記者。
王祖藍昨日男扮女裝外景完返廠,會合女友接受訪問,二人玩手指碰手指,示意一線牽, sweet到爆。穿上平底鞋的李亞男更主動搭着身高矮一截的男友,祖藍說:「識咗李亞男 4、 5年,拍咗年幾拖,返教會識嘅,大家有意思時都問過牧師,不過當然係我追佢。」

李亞男:我係佢嚿電

祖藍昨日公開與李亞男的戀情,獲羅敏莊和 MC Jin恭賀。

祖藍昨日公開與李亞男的戀情,獲羅敏莊和 MC Jin恭賀。

李亞男身高 5呎 9吋,高王祖藍足足 6吋,祖藍說:「佢唔介意我矮,唔睇外表,我哋心靈溝通到先一齊。」他更直認女友已見過家長。問到祖藍和李亞男是否已認定大家是結婚對象?祖藍說:「我哋認真嘅,唔會咁快講實,牧師話唔好咁快有承諾,睇定啲,公開咗反而輕鬆,收埋好辛苦。」二人互覺有甚麼吸引?祖藍說:「佢虔誠(指信教)過我。」有指他們喜到教友家拍拖以防婚前性行為,祖藍說:「你哋諗多咗。」
李亞男認同公開拍拖較輕鬆:「今日好多朋友恭喜我哋,仲以為結婚,收埋好大壓力。」祖藍曾自爆女友不愛他反串扮女人,李亞男對此說:「我有少少唔開心,佢扮女人身材比我好,會妒忌,但會支持佢,不過我鍾意佢係男仔多啲,佢負責任,好愛我。」祖藍聽後笑指沒講過,李亞男即嬌嗔道:「即係你唔愛我。」

大讚王祖藍好靚仔

李亞男是 05年華姐冠軍,身形弗爆,不過祖藍謂不希望她穿泳衣示人。資料圖片

李亞男是 05年華姐冠軍,身形弗爆,不過祖藍謂不希望她穿泳衣示人。資料圖片

李亞男又爆男友常營造驚喜,她說:「好難忘有次佢帶我去好遠方賣我豬仔,去海邊睇星星。」記者取笑王祖藍「劏豬」,他即向女友說:「你講嘢小心啲,成件事同豬無關。」李亞男又說:「平時我佢笑多啲,佢出嚟大家,我係佢嚿電,畀佢電力。」祖藍表示雖公開戀情,但介意情侶檔工作,他說:「拍拖係享受,唔想為搵食。」李亞南昨在電話中又讚男友「我覺得佢好靚仔。」
此外,祖藍昨日接受商台電話訪問時表示因很久沒見女友,故一見面忍不住拖手,結果百密一疏被人影到,他又表示母親滿意女友,讚她夠純。
採訪、攝影:王崇穎

話你知:中外長短腳之戀

身材矮小的王祖藍戀上比他高一截的李亞男,高度差異成為話題,不過真愛並非取決於身高,不少娛圈情侶和夫婦,都是身高不搭配的。資料來源:《蘋果》資料室

郭富城、熊黛林

高矮配:郭富城、熊黛林
簡介:兩人發展地下情近 3年,早前城城 45歲生日,熊黛林陪伴至三更半夜,戀情逐漸浮面。

高矮配:甄子丹、汪詩詩
簡介:甄子丹 03年迎娶比他年輕 19歲的汪詩詩,兩人育有女兒 Jasmine及兒子 James。

湯告魯斯、姬蒂荷姆絲

高矮配:湯告魯斯、姬蒂荷姆絲
簡介:姬蒂荷姆絲 06年為湯告魯斯誕下女兒 Suri,同年在意大利結婚,婚後生活美滿。

李啟淦、林珊珊

高矮配:李啟淦、林珊珊
簡介:香港前游泳代表李啟淦身高六呎,與身形矮小的林珊珊相映成趣,兩人 87年在美國結婚,惜於 92年離婚。

第一頁:王祖藍李亞男公開戀情 身高差6吋 「高攀」全靠勇
第二頁:祖藍、李亞男公開晒恩愛 中外長短腳之戀
第三頁:王祖藍專訪 講述戀愛經過
第四頁:5’4″王祖藍冧掂5’9″李亞男暗撻年幾