無綫小生花旦離巢，造就唔少中坑發圍，睇最近播完嗰套《四個女仔三個Bar》，完美奸人52歲鄭子誠可以咀33歲唐詩詠10秒，就知斷層有幾嚴重。
可能無綫以為師奶鍾意熟男，最近更重簽外闖22年嘅55歲吳岱融回巢，喺新劇《刀下留人》飾演終極奸角，同劇孭飛係55歲黃德斌同50歲邵美琪。北漂多年，滿頭白髮嘅吳叔叔，拍新戲因住扭親條腰喎！
55歲吳岱融當年都叫靚仔小生，不過年過半百、白髮、皺紋就唔少得，保養吓應該係型男。
網上圖片
林峯轉投英皇，杏兒又話完約即走，無綫小生花旦買少見少。除咗孭飛主角冇人，甚至連二、三綫角色都超缺，造就一班中坑上位，剛播完嘅《4個女仔3個Bar》要搵鄭子誠配唐詩詠，曾航生同姚子羚偷情就知大台冇人。
結婚 20年，吳岱融同老婆鍾淑慧及兒子關係融合，中秋節仲一齊喺床上自拍添。
’93拍《殺兄》露雀
當年 35歲吳岱融全祼拍《替天行道之殺兄》，戲中同老婆鍾淑慧有三場情慾戲。
接三級片
93年吳岱融《滅門慘案之孽殺》，同鍾淑慧有唔少床戲，之後拍拖，更喺 95年結婚，婚後二人北上發展，吳岱融除咗拍劇，仲同老婆鍾淑慧接不少大陸登台騷，兩公婆拍住上。
內地密拍劇
唔想演員不停 loop，無綫惟有重簽舊將，最近新劇《刀下留人》劇中大奸角就搵嚟 55歲吳岱融回巢。其實吳岱融 80年代為無綫當家小生，當年同梁朝偉拍《絕代雙驕》飾演花無缺， 93年拍《滅門慘案之孽殺》時同戲中女主角鍾淑慧撻着， 95年結婚，更育有一子。吳岱融仲喺《替天行道之殺兄》露埋下體，當年都相當震撼。
之後吳岱融主力返大陸拍劇，多做父親角色，戲分不少，酬勞亦有 10萬人仔一集。去年接受亞視《男人經》訪問，他曾話過：「大陸拍一套等於香港拍成年。」今次返嚟重簽無綫，全因戲劇總監曾勵珍吹雞，喺新劇《刀下留人》吳岱融做大奸角，喺劇中同主角黃德斌、邵美琪有唔少對手戲。 3位主角加埋 166歲，一把年紀仲要打打殺殺，買重保險穩陣喎！
老餅重聚
吳岱融回歸無綫拍《刀下留人》，仲同區瑞偉合作，二人早在 88年《絕代雙驕》已經合作。
網上圖片
北上捱凍
吳岱融近 10年經常北上拍劇，當然有微博啦，仲成日上載拍劇的情況，喺遼寧遇大雪都識 selfie，大叔唔 out?。
北上超過 10年，吳岱融（左）多做老爺角色和配角多，但都有 10萬人仔一集，好搵過香港好多。
網上圖片
當年同梁朝偉一齊拍《絕代雙驕》，當時得 29歲的吳岱融絕對稱得上靚仔小生。
網上圖片